Jawan Movie : బాద్ షా జ‌వాన్ కు భారీ డిమాండ్
తెలుగు రాష్ట్రాల‌లో పోటా పోటీ
Jawan Movie : డైన‌మిక్ డైరెక్ట‌ర్ అట్లీ కుమార్ ద‌ర్శ‌క‌త్వంలో బాలీవుడ్ బాద్ షా షారుఖ్ ఖాను, అందాల తార న‌య‌న తార క‌లిసి న‌టించిన చిత్రం జ‌వాన్. ఇప్ప‌టికే ఈ సినిమాకు సంబంధించిన పోస్ట‌ర్లు, టీజ‌ర్, కొన్ని సాంగ్స్ పిచ్చెక్కించేలా ఉన్నాయి. ఇక షారుఖ్ ఖాన్ కు దేశ వ్యాప్తంగా అభిమానులు ఉన్నారు. ఆయ‌న ఇటీవ‌ల ల‌వ్లీ బ్యూటీ దీపికా ప‌దుకొనే తో క‌లిసి న‌టించిన ప‌ఠాన్ రికార్డుల మోత మోగించింది. ప్ర‌పంచ వ్యాప్తంగా ఏకంగా రూ. 1,000 కోట్ల‌కు పైగా క‌లెక్ష‌న్లు రాబ‌ట్టింది.
Jawan Movie Updates
ఇక హిందీ, త‌మిళ్, తెలుగు భాష‌ల్లో రూపు దిద్దుకుంటున్న జ‌వాన్(Jawan) పై భారీ అంచ‌నాలు ఉన్నాయి. ఇప్ప‌టికే ఇంకా మూవీ విడుద‌ల కాకుండానే రూ. 350 కోట్ల‌కు పైగా వ్యాపారం న‌డిచింద‌ని టాక్. ఇక ప‌ఠాన్ సినిమాకు సంబంధించి తెలుగు రాష్ట్రాల‌లో దాదాపు రూ. 56 కోట్ల‌కు పైగా వ‌సూలు చేసింద‌ని స‌మాచారం. ఇక సెప్టెంబ‌ర్ 7న ప్ర‌పంచ వ్యాప్తంగా విడుద‌ల‌య్యేజ‌వాన్ చిత్రానికి పెద్ద ఎత్తున డిమాండ్ ఉంటోంది.
క‌నీసం రూ. 60 కోట్ల దాకా మార్కెట్ లో డిమాండ్ ప‌లుకుతున్న‌ట్లు టాలీవుడ్ లో టాక్. ఏది ఏమైనా బాద్ షా కు అటు బాలీవుడ్ లోనే కాదు త‌మిళ‌నాడు, క‌ర్ణాట‌క, తెలుగులో కూడా భారీగా అభిమానులు ఉన్నారు. ఆయ‌న చెన్నై ఎక్స్ ప్రెస్ మూవీ తీశారు. అది కూడా హిట్టే. ఇదిలా ఉండ‌గా జ‌వాన్ చిత్రంలో ప్ర‌తి నాయ‌కుడిగా విజ‌య్ సేతుప‌తి న‌టించాడు.
Also Read : AP CM YS Jagan : త్వ‌ర‌లో ఏపీలో ఐటీ స్పేస్ – జ‌గ‌న్