Lionel Messi Emotional : జ‌ర్న‌లిస్ట్ ఉద్విగ్నం మెస్సీ భావోద్వేగం

Lionel Messi Emotional : ఖ‌తార్ వేదిక‌గా జ‌రుగుతున్న ఫిఫా వ‌ర‌ల్డ్ క‌ప్ -2022 మెగా టోర్నీ ముగిసేందుకు కేవ‌లం ఒక్క అడుగు దూరంలో ఉంది. ప్ర‌పంచ ఫుట్ బాల్ దిగ్గ‌జం లియోనెల్ మెస్సీ సార‌థ్యంలోని అర్జెంటీనా క్రొయేషియాను సెమీ ఫైన‌ల్ లో ఓడించి ఫైన‌ల్ కు దూసుకు వెళ్లింది. రెండో సెమీస్ లో ఫ్రాన్స్ మొరాకోను మ‌ట్టి క‌రిపించింది.

ఆ జ‌ట్టు డిఫెండింగ్ ఛాంపియ‌న్ కూడా. ఆదివారం జ‌రిగే తుది పోరులో ప్ర‌పంచ విజేత ఎవ‌రో తేలి పోతుంది. త‌న జీవిత కాలంలో ఫిఫా వ‌ర‌ల్డ్ క‌ప్ తీసుకు రావాల‌న్న‌ది మెస్సీ క‌ల‌. డిగో మార‌డోనా వార‌సుడిగా పేరొందిన మెస్సీ పై కోట్లాది మంది ఆశ‌లు పెట్టుకున్నారు. విచిత్రం ఏమిటంటే అర్జెంటీనాకు ప్ర‌పంచ వ్యాప్తంగా ఉన్న కోట్లాది ఫుట్ బాల్ ప్రేమికుల‌కు చేదు వార్త చెప్పాడు మెస్సీ.

ఖ‌తార్ ఫిఫా వ‌రల్డ్ క‌ప్ త‌న‌కు ఆఖ‌రు అవుతుంద‌ని ప్ర‌క‌టించాడు. దీంతో యావ‌త్ ప్ర‌పంచం ఉద్విగ్న భ‌రితంలో కూరుకు పోయింది. కోట్లాది అభిమానులు కంట త‌డి(Lionel Messi Emotional)  పెడుతున్నారు. ఇప్ప‌టి వ‌ర‌కు ఎవ‌రూ సాధించ‌ని రికార్డులను సాధించిన ఘ‌న‌త లియోనెల్ మెస్సీకి ద‌క్కుతుంది.

ఈ సంద‌ర్భంగా అర్జెంటీనాకు చెందిన ఓ జ‌ర్న‌లిస్ట్ మెస్సీని ఇంట‌ర్వూ చేసింది. ఆమె చేసిన సంభాష‌ణతో కూడిన వీడియో సోష‌ల్ మీడియాలో వైర‌ల్ గా మారింది. థ్యాంక్యూ కెప్టెన్ లియోనెల్ మెస్సీ అంటూ కితాబు ఇచ్చింది జ‌ర్న‌లిస్ట్. అంతే కాదు అత‌డిని చూసి ఉద్వేగానికి లోనైంది.

అర్జెంటీనా ఎల్ల‌ప్ప‌టికీ నిన్ను గుర్తు పెట్టుకుంటుందంటూ పేర్కొంది. ప్ర‌స్తుతం ఇదే హాట్ టాపిక్ గా మారింది.

Also Read : మొరాకో అప‌జ‌యం ఫ్యాన్స్ వీరంగం