Jayapraksh Hegde DK : జ‌య ప్ర‌కాశ్ హెగ్డేకు డీకే ఆఫ‌ర్
కోస్తా క‌ర్ణాట‌క‌పై డిప్యూటీ సీఎం ఫోక‌స్
Jayapraksh Hegde DK : క‌ర్ణాట‌క‌లో రాజ‌కీయాలు ఇప్పుడు రంజుగా మారాయి. ఎప్పుడైతే కాంగ్రెస్ పార్టీ 135 సీట్ల‌తో ప‌వ‌ర్ లోకి వ‌చ్చిందో ఆనాటి నుంచి డిప్యూటీ సీఎం, క‌ర్ణాట‌క ప్ర‌దేశ్ కాంగ్రెస్ క‌మిటీ చీఫ్ గా ఉన్న డీకే శివ‌కుమార్ ఫుల్ ఫోక‌స్ పెట్టారు. ఆయ‌న గెలుపొందిన అనంత‌రం సంచ‌ల‌న ప్ర‌క‌ట‌న చేశారు. తాము ప్ర‌జా పాల‌న అందిస్తామ‌ని, కానీ తన ల‌క్ష్యం మాత్రం ఒక్క‌టేన‌ని అని ప్ర‌క‌టించారు. అదేమిటంటే రాష్ట్రంలో ఉన్న మొత్తం లోక్ స‌భ స్థానాల‌లో హ‌స్తం అభ్య‌ర్థులు గెల‌వాల‌న్న‌దే తన ల‌క్ష్య‌మ‌ని స్ప‌ష్టం చేశారు.
ఇందులో భాగంగా కీల‌క‌మైన ఓటు బ్యాంకు క‌లిగిన వ‌ర్గాల‌ను క‌లుపుకునే ప్ర‌య‌త్నం చేస్తున్నారు. మ‌రో వైపు ప‌వ‌ర్ ను కోల్పోయిన బీజేపీ నిస్తేజంలో ఉంది. ఆ పార్టీలో ప్ర‌స్తుతం ఎంపీ గా ఉన్న స‌దానంద గౌడ పార్టీ కీల‌క నేత బీఎల్ సంతోష్ పై భ‌గ్గుమ‌న్నారు. త‌న‌కు టికెట్ రాకుండా చేస్తున్నాడ‌ని, అంతే కాదు బీజేపీని భ్ర‌ష్టు ప‌ట్టిస్తున్నాడంటూ సంచ‌ల‌న ఆరోప‌ణ‌లు చేశారు.
ఈ త‌రుణంలో కోస్తా క‌ర్ణాట‌క‌లో కాంగ్రెస్ పాగా వేయాల‌ని ప్లాన్ చేశారు డీకే శివ‌కుమార్. ఇందులో భాగంగా క‌ర్ణాట‌క రాష్ట్ర వెనుక‌బ‌డిన త‌ర‌గ‌తుల క‌మిష‌న్ చైర్మ‌న్ కె. జ‌యప్ర‌కాశ్ హెగ్డే(Jaya Prakash Hegde) ఆయ‌న‌తో శుక్ర‌వారం క‌లిశారు.
ఉడిపి – చిక్క‌మ‌గ‌ళూరు లోక్ స‌భ టికెట్ ను ఆఫ‌ర్ చేసిన‌ట్లు స‌మాచారం. ప్ర‌స్తుతం హెగ్డే హాట్ టాపిక్ గా మారారు.
Also Read : Congress Chance : మ‌ధ్య‌ప్ర‌దేశ్ లో కాంగ్రెస్ కు ఛాన్స్