Kamal Haasan Shankar : క‌మ‌ల్ స‌ర్ ప్రైజ్ శంక‌ర్ మెస్మ రైజ్
రూ. 8 ల‌క్ష‌ల 77 వేల ఖ‌రీదైన వాచ్
Kamal Haasan Shankar : త‌మిళ సినీ ఇండ‌స్ట్రీలో ఇద్ద‌రూ పేరు పొందిన దిగ్గ‌జాలు. ఒక‌రు ద‌ర్శ‌కుడు శంక‌ర్ కాగా మ‌రొక‌రు లోక నాయ‌కుడిగా గుర్తింపు పొందిన క‌మ‌ల్ హాస‌న్. క‌మ‌ల్ తో శంక‌ర్ ఇండియ‌న్ -2 పేరుతో సినిమా తీస్తున్నాడు. ఇందులో భాగంగా కొన్ని సీన్స్ త‌ను ఊహించిన దాని కంటే అద్భుతంగా వ‌చ్చాయ‌ని తెగ సంతోషానికి లోన‌య్యాడు క‌మ‌ల్ హాస‌న్. దీంతో ఆనందం ప‌ట్ట‌లేక ఏకంగా క‌మ‌ల్ హాస‌న్ శంక‌ర్ కు స‌ర్ ప్రైజ్ ఇచ్చాడు.
ఇంటికి వెంట‌నే ర‌మ్మ‌ని క‌బురు పంపించాడు. ఇంకేం వ‌చ్చిన వెంట‌నే విస్తు పోయేలా చేశాడు క‌మ‌ల్ హాస‌న్. రూ. 8 ల‌క్ష‌ల 77 వేల రూపాయ‌ల ధ‌ర క‌లిగిన ఖ‌రీదైన చేతి వాచ్ ను బ‌హూక‌రించాడు. అంతే కాదు తానే శంక‌ర్ చేతికి తొడిగాడు క‌మ‌ల్ హాస‌న్(Kamal Hasan).
దీంతో తెగ ముచ్చ‌ట ప‌డ్డాడు డైరెక్ట‌ర్. ఇద్ద‌రూ మంచి స్నేహితులు. ఒక‌రు భార‌త దేశ సినీ చ‌రిత్ర‌లో మోస్ట్ పాపుల‌ర్. మ‌రొక‌రు ఎలాంటి పాత్ర‌లోనైనా స‌రే దానిలో ఒదిగి పోయే అరుదైన న‌టుడిగా పేరు పొందారు క‌మ‌ల్ హాస‌న్. ప్ర‌స్తుతం క‌మ‌ల్ హాస‌న్ ఇచ్చిన గిఫ్ట్ కు సంబంధించిన ఫోటోలు వైర‌ల్ అయ్యాయి. ప్రేమ‌ను క‌లిగి ఉండ‌డం, బ‌హుమ‌తుల‌ను పంచు కోవ‌డం అల‌వాటు క‌మ‌ల్ హాస‌న్ కు. ఇదిలా ఉండ‌గా 1996లో తీసిన ఇండియ‌న్ సినిమాకు ప్ర‌స్తుతం కొన‌సాగింపుగా తీస్తున్నాడు ద‌ర్శ‌కుడు శంక‌ర్.
Also Read : Devara Movie : దేవ‌రకు పీట‌ర్ హెయిన్ కొరియోగ్ర‌ఫీ