DK Shiva kumar : శృంగేరీ పీఠంలో డీకే శివ‌కుమార్
శార‌దా దేవీని ద‌ర్శించుకున్న కేపీసీసీ చీఫ్
DK Shiva kumar : క‌ర్ణాట‌క ప్ర‌దేశ్ కాంగ్రెస్ క‌మిటీ చీఫ్ డీకే శివ‌కుమార్ సోమ‌వారం క‌ర్ణాట‌క‌లోని శృంగేరిని సందర్శించారు. పీఠంలో కొలువు తీరిన శార‌దా దేవీని ద‌ర్శించుకున్నారు. ప్ర‌త్యేకంగా పూజ‌లు చేశారు డీకే శివ‌కుమార్. ఈ సంద‌ర్భంగా ట్విట్ట‌ర్ వేదిక‌గా పంచుకున్నారు. రాష్ట్ర ప్ర‌జ‌లు సుఖ సంతోషాలతో ఉండాల‌ని తాను కోరుకున్న‌ట్లు పేర్కొన్నారు.
ఇదిలా ఉండగా రాష్ట్రంలో ఎన్నిక‌ల వాతావ‌ర‌ణం వేడెక్కింది. ప‌వ‌ర్ లో ఉన్న భార‌తీయ జ‌న‌తా పార్టీ పై ప్ర‌తిప‌క్ష కాంగ్రెస్ పార్టీ నిప్పులు చెరుగుతోంది. వ‌చ్చే మే నెల 10న పోలింగ్ జ‌ర‌గ‌నుంది. మే 13న ఫ‌లితాలు వెలువ‌డ‌నున్నాయి. ఈసారి గ‌ట్టి పోటీ ఎదుర‌వుతోంది. ఇప్ప‌టికే కాంగ్రెస్ పార్టీ ముందంజ‌లో ఉంది పార్టీ అభ్య‌ర్థుల ప్ర‌క‌ట‌నలో.
ఇక బీజేపీకి సంబంధించి ఇవాళ లిస్టు విడుద‌లయ్యే ఛాన్స్ ఉంది. మొత్తంగా తాము అధికారంలోకి రావ‌డం ఖాయ‌మ‌ని ధీమా వ్య‌క్తం చేస్తున్నారు క‌ర్ణాట‌క పీసీసీ చీఫ్ డీకే శివ‌కుమార్(DK Shiva kumar). అందుకే తాను అమ్మ వారి ఆశీస్సులు పొందేందుకు వ‌చ్చాన‌ని తెలిపారు. ఈసారి త‌ప్ప‌కుండా తాము ప‌వ‌ర్ లోకి వ‌స్తామ‌ని ధీమా వ్య‌క్తం చేశారు డీకే శివ‌కుమార్. ప్ర‌జ‌లు తీవ్ర ఇబ్బందులు ప‌డుతున్నార‌ని, చివ‌ర‌కు గుజ‌రాత్ అముల్ ను ఇక్క‌డకు తీసుకు వ‌చ్చేందుకు ప్లాన్ చేస్తున్నారంటూ ఆరోపించారు డీకేఎస్.
Also Read : పాల‌కుల పాపం న‌డిగ‌డ్డ నాశ‌నం