Kyle Mayers IPL : కైల్ మేయ‌ర్స్ అదుర్స్
సూప‌ర్ ఇన్నింగ్స్ తో షాక్
Kyle Mayers IPL : అహ్మ‌దాబాద్ వేదిక‌గా జ‌రిగిన కీల‌క మ్యాచ్ లో గుజ‌రాత్ టైటాన్స్ జైత్ర‌యాత్ర కొన‌సాగుతోంది. ముందుగా బ్యాటింగ్ కు దిగిన గుజ‌రాత్ నిర్ణీత 20 ఓవ‌ర్ల‌లో 226 ర‌న్స్ చేసింది. అనంత‌రం భారీ టార్గెట్ తో క్రీజులోకి దిగిన ల‌క్నో సూప‌ర్ బ్యాట‌ర్స్ క్వింట‌న్ డికాక్ , కైల్ మేయ‌ర్స్ చెల‌రేగి ఆడారు. గుజ‌రాత్ బౌల‌ర్ల‌కు చుక్క‌లు చూపించారు.
స్టార్ పేస‌ర్ మ‌హ‌మ్మ‌ద్ ష‌మీ బౌలింగ్ లో ఫోర్లు , సిక్స‌ర్ల‌తో మోత మోగించారు. అనంత‌రం కెప్టెన్ హార్దిప్ పాండ్యాతో పాటు ర‌షీద్ ఖాన్ ను కూడా చిత‌క్కొట్టారు. దీంతో గుజ‌రాత్ స్కిప్ప‌ర్ బౌలింగ్ మోహిత్ శ‌ర్మ‌కు ఇచ్చాడు.
దీంతో ప్లాన్ ఫ‌లించింది., అప్ప‌టి దాకా టాప్ రేంజ్ లో చిత‌క్కొడుతూ వ‌చ్చిన ల‌క్నో బ్యాట‌ర్ కైల్ మేయ‌ర్స్(Kyle Mayers IPL) భారీ షాట్ కొట్ట‌బోయి ర‌షీద్ ఖాన్ కు క్యాచ్ ఇచ్చి పెవిలియ‌న్ దారి ప‌ట్టాడు. 48 ర‌న్స్ చేసి ఔట్ అయ్యాడు.
ఆ త‌ర్వాత బాధ్య‌తాయుతమైన ఇన్నింగ్స్ తో ఆడుతూ వ‌చ్చిన క్వింట‌న్ డికాక్ సైతం షాన్ దార్ షాట్స్ తో స‌త్తా చాటాడు. 70 ప‌రుగులతో రాణించాడు. చివ‌ర‌న వెనుదిర‌గ‌డంతో ల‌క్నో సూప‌ర్ జెయింట్స్ త్వ‌ర త్వ‌ర‌గా వికెట్లు కోల్పోయింది. 56 ర‌న్స్ తేడాతో ప‌రాజ‌యం పాలైంది.
Also Read : సంజూ శాంస‌న్ సెన్సేష‌న్