Madhu Yashki Goud : అధికారంలోకి వ‌స్తే హామీలు అమ‌లు

Madhu Yashki Goud : హైద‌రాబాద్ – కాంగ్రెస్ పార్టీ ప్ర‌చార క‌మిటీ చైర్మ‌న్ మ‌ధు యాష్కి గౌడ్ సంచ‌ల‌న వ్యాఖ్య‌లు చేశారు. ఆరు నూరైనా స‌రే అధికారంలోకి తాము రావ‌డం ఖాయ‌మ‌ని జోష్యం చెప్పారు. బీఆర్ఎస్ పాల‌న‌కు చ‌ర‌మ గీతం పాడేందుకు ప్ర‌జ‌లు రెడీగా ఉన్నార‌ని అన్నారు.

Madhu Yashki Goud Comments Viral

మంగ‌ళ‌వారం కాంగ్రెస్ పార్టీ ఆధ్వ‌ర్యంలో పార్టీ ప్ర‌క‌టించిన ఆరు గ్యారెంటీ హామీల కార్డుల పంపిణీ కార్య‌క్రమం హైద‌రాబాద్ లోని ఎల్బీ నగ‌ర్ నియోజ‌క‌వ‌ర్గంలో జ‌రిగింది. ఈ కార్య‌క్ర‌మంలో మ‌ధు యాష్కి గౌడ్(Madhu Yashki Goud ) పాల్గొన్నారు. ఆయ‌న‌తో పాటు మ‌ల్లు ర‌వి కూడా ఉన్నారు.

సోనియా గాంధీ ప్ర‌క‌టించిన ఈ ఆరు హామీలు అమ‌లు చేసి తీరుతామ‌న్నారు. ఇందులో ఎలాంటి అనుమానం చెందాల్సిన అవ‌స‌రం లేద‌న్నారు. ఒక్క‌సారి సోనియా గాంధీ చెప్పారంటే ఇక వెన‌క్కి తిరిగి చూసుకునే స‌మ‌యం ఉండ‌ద‌న్నారు.

ఇప్ప‌టికే క‌ర్ణాట‌క‌లో తాము చెప్పిన విధంగా ఐదు హామీల‌ను అమ‌లు చేస్తున్నామ‌ని తెలిపారు. ఇక్క‌డ కూడా కాంగ్రెస్ పార్టీ ఇచ్చిన మాట నిల‌బెట్టుకుంటుంద‌ని స్ప‌ష్టం చేశారు మ‌ధు యాష్కి గౌడ్. రాష్ట్రంలో రాచ‌రిక పాల‌న సాగుతోంద‌ని ఆరోపించారు. 2 ల‌క్ష‌ల‌కు పైగా ఖాళీలు ఉంటే ఒక్క పోస్టు కూడా భ‌ర్తీ చేయ‌లేద‌న్నారు.

Also Read : Nagarjuna Sister : నాగార్జున సోదరి నాగసుశీల దాదాగిరీ