Mainpuri Court: దేహులి దళితుల ఊచకోత కేసులో మెయిన్‌పురి జిల్లా కోర్టు సంచలన తీర్పు
దేహులి దళితుల ఊచకోత కేసులో మెయిన్‌పురి జిల్లా కోర్టు సంచలన తీర్పు
Mainpuri Court : 24 మంది దళితుల ఉచకోత కేసులో 44 సంవత్సరాల తర్వాత మెయిన్‌ పురి జిల్లా కోర్టు(Mainpuri Court) సంచలన తీర్పు వెలువరించింది. ఈ క్రమంలో ముగ్గురు నిందితులకు మరణ శిక్ష విధిస్తున్నట్లు ప్రకటించింది. 1981 నవంబర్ 18న దేహులిలో జరిగిన ఈ ఘోర ఘటనలో మొత్తం 24 మంది దళితులు హత్యకు గురయ్యారు. మరణించిన వారిలో ఆరు నెలల, రెండు సంవత్సరాల వయస్సు ఉన్న పిల్లలు కూడా ఉన్నారు. ఈ హత్య కేసులో 17 మంది నిందితులుగా ఉన్నారు. అయితే వీరిలో 14 మంది మరణించారు. తాజాగా ఈ కేసు విచారణ జరిపిన కోర్టు రామ్‌సేవక్ (70), కప్తాన్ సింగ్ (60), రాంపాల్ (60) అనే మిగిలిన ముగ్గురు నిందితులను దోషిగా తేల్చి, వారికి మరణశిక్షను విధించింది. అంతేకాదు వారికి అదనంగా రూ.50,000 జరిమానా కూడా విధించింది.
Mainpuri Court – దేహులిలో అసలు ఏం జరిగింది ?
1981 నవంబర్ 18న, ఉత్తరప్రదేశ్(Uttar Pradesh) దేహులి గ్రామంలో పోలీసు యూనిఫాంలో ఉన్న నిందితులు… దళితులను బందిపోట్లుగా మార్చి విచక్షణ రహితంగా కాల్పులు జరిపారు. ఈ కాల్పుల్లో 17 మంది పోలీసు యూనిఫాంలో ఉన్న వారే పాలుపంచుకున్నారు. దీనిపై న్యాయవాది రోహిత్ శుక్లా మాట్లాడుతూ… ఈ ఘటన ఒక చారిత్రక మరణహోమంలా ఉందని పేర్కొన్నారు. దేహులిలో దళితులు వ్యవసాయ పనులకు సంబంధించిన పనులు చేసుకునే వారు. వారి జీవనం సాదాసీదాగా సాగిపోతుండగా, ఈ ఘటన జరగడం నేరమైన చర్యగా పేర్కొన్నారు.
ఈ ఘటన కేవలం హత్యగా కాకుండా, ఒక సామాజిక హింసగా కూడా నిలిచిందన్నారు న్యాయవాది. నిందితుల మొత్తం 17 మందిలో, 14 మంది ఇప్పటికే మరణించినట్లు తెలిపిన కోర్టు, మిగిలిన ముగ్గురికి మాత్రం మరణశిక్ష విధించారు. ఈ దళిత హత్యా కేసులో ప్రతి ఒక్కరి పాత్ర కూడా వివిధ కోణాలలో చర్చకు వస్తోంది. దేహులిలో జరిగిన ఈ ఘోర ఘటన తీర్పు ఆలస్యంగా వచ్చినా కూడా చివరకు న్యాయం జరిగిందని పలువురు అంటున్నారు. ఈ కేసులో 1981నాటి హత్యలపై 302 (హత్య), 307 (హత్యాయత్నం), 396 (దోపిడీతో హత్య) సెక్షన్ల కింద కేసులు నమోదయ్యాయి.
Also Read : CM Devendra Fadnavis: నాగ్ పూర్ అల్లర్లకు “ఛావా” సినిమానే కారణం – సీఎం ఫడ్నవిస్‌