Mukesh Ambani Villa : ముకేశ్ అంబానీయా మ‌జాకా
రూ. 1349 కోట్లతో భారీ విల్లా
Mukesh Ambani Villa : ఓ వైపు భార‌త దేశం రోజు రోజుకు ద్ర‌వ్యోల్బ‌ణం, నిరుద్యోగంతో స‌త‌మ‌తం అవుతోంది. ఇంకో వైపు ప్ర‌పంచ ఆక‌లి సూచిలో ఏకంగా 107వ స్థానంలో నిలిచింది. కానీ దేశానికి చెందిన కొంత‌మంది వ్యాపార‌వేత్త‌లు మాత్రం రోజు రోజుకు కోట్లు పోగేసుకుంటున్నారు. దేశంలోని ప్ర‌ధాన రంగాల‌న్నీ వారి చేతుల్లోకి వెళ్తి పోతున్నాయి.
కేంద్రంలో కొలువు తీరిన మోదీ స‌ర్కార్ బ‌డా వ్యాపార‌వేత్త‌ల‌కు ఎర్ర తివాచీలు ప‌రుస్తున్నాయి. ఈ త‌రుణంలో ప్ర‌పంచ కుబేరుల్లో ఒకడిగా పేరొందిన రిల‌య‌న్స్ గ్రూప్ సంస్థ‌ల చైర్మ‌న్ ముకేశ్ అంబానీ మ‌రోసారి వార్త‌ల్లో నిలిచారు. ఇదేదో వ్యాపార ప‌రంగా అనుకుంటే పొర‌పాటు ప‌డిన‌ట్లే. కేవ‌లం తాను సంపాదించిన డ‌బ్బుల‌ను విచ్చ‌ల‌విడిగా విదేశాల‌లో ఆస్తులు కొనుగోలు చేస్తూ పోతున్నారు.
తాజాగా అందిన స‌మాచారం మేర‌కు ఏకంగా రూ. 1349 కోట్ల ఖ‌ర్చుతో భారీ విల్లాను(Mukesh Ambani Villa) కొనుగోలు చేశారు. ఇది ఓ రికార్డుగా చెప్ప‌వ‌చ్చు. ఇటీవ‌ల ముకేశ్ అంబానీ న్యూయార్క్, దుబాయ్ , త‌దిత‌ర ప్ర‌ముఖ న‌గ‌రాల్లో ఖ‌రీదైన విల్లాలు కొనుగోలు చేశారు. తాజాగా ఇదే దుబాయ్ సిటీలో అత్యంత విలాస‌వంత‌మైన విల్లాను కొనుగోలు చేశారు.
ఇప్ప‌టి వ‌ర‌కు బిగ్ డీల్స్ ల‌లో ఇదే టాప్ అని స‌మాచారం. ఈ ఆధునిక భ‌వంతి ధ‌ర 163 మిలియ‌న్ డాల‌ర్లు. ముకేశ్ అంబానీ కొనుగోలు చేసిన విల్లా దుబాయ్ లోని జుమైరా ప్రాంతంలో బీచ్ ప‌క్క‌న ఉండ‌డం విశేషం.
కాగా కువైట్ వ్యాపార‌వేత్త అల్ ష‌యా నుంచి అంబానీ దీనిని చేజిక్కించుకున్న‌ట్లు టాక్.
Also Read : స్టార్ లింక్ లైసెన్స్ కోసం ‘మ‌స్క్’ ద‌ర‌ఖాస్తు