Pawan Kalyan : ఏపీకి కాబోయే సీఎంను నేనే – ప‌వ‌న్

Pawan Kalyan : ఆంధ్ర‌ప్ర‌దేశ్ – జ‌న‌సేన పార్టీ చీఫ్ ప‌వ‌న్ క‌ళ్యాణ్ సంచ‌ల‌న కామెంట్స్ చేశారు. తాజాగా ఏపీ సీఎం ఎవ‌ర‌నే దానిపై క్లారిటీ ఇచ్చే ప్ర‌య‌త్నం చేశారు. తాను రాబోయే ఎన్నిక‌ల్లో సీఎం అయ్యే అవ‌కాశం లేక పోలేద‌ని అన్నారు. గ‌తంలో చాలా మంది త‌న‌ను సీఎం కావాల‌ని కోరుతున్నార‌ని, వారి కోరిక‌ను మ‌న్నించి తాను కూడా బ‌రిలో ఉన్నాన‌ని స్ప‌ష్టం చేశారు ప‌వ‌న్ క‌ళ్యాణ్.

Pawan Kalyan Comments Viral

శ‌నివారం జ‌రిగిన స‌మావేశంలో జ‌న‌సేన పార్టీ చీఫ్ ఈ కీల‌క వ్యాఖ్య‌లు చేయ‌డం క‌ల‌క‌లం రేపింది. రాబోయే ఎన్నిక‌ల్లో తెలుగుదేశం పార్టీతో క‌లిసి జ‌న‌సేన పోటీ చేస్తుంద‌ని ఇప్ప‌టికే ప్ర‌క‌టించారు. ప్ర‌స్తుతం ఏపీలో జ‌గ‌న్ మోహ‌న్ రెడ్డి సార‌థ్యంలో వైసీపీ స‌ర్కార్ కొలువు తీరింది.

రాష్ట్రంలో మొత్తం 175 సీట్లు ఉన్నాయి. మ‌రోసారి ప‌వ‌ర్ లోకి రావాల‌ని అనుకుంటోంది వైసీపీ. ఇదిలా ఉండ‌గా ఊహించ‌ని రీతిలో టీడీపీ చీఫ్, మాజీ సీఎం నారా చంద్ర‌బాబు నాయుడు ఏపీ స్కిల్ స్కాం కేసులో అడ్డంగా బుక్ అయ్యారు. ప్ర‌స్తుతం రాజ‌మండ్రి సెంట్ర‌ల్ జైలులో రిమాండ్ ఖైదీగా శిక్ష అనుభ‌విస్తున్నారు.

ఆయ‌న‌కు ఏసీబీ కోర్టుతో పాటు హైకోర్టు, సుప్రీంకోర్టు కోలుకోలేని షాక్ ఇచ్చాయి. ఈ త‌రుణంలో ప‌వ‌న్ క‌ళ్యాణ్(Pawan Kalyan) సీఎం అవుతానంటూ కామెంట్స్ చేయ‌డం ప్రాధాన్య‌త సంత‌రించుకుంది.

Also Read : Nimmagadda Prasad : నిమ్మ‌గ‌డ్డ ప్ర‌సాద్ కు బిగ్ షాక్