Project K Movie : రూ. 600 కోట్ల‌తో ప్రాజెక్టు కె మూవీ
భారీ ఖర్చు చేయ‌నున్న మేక‌ర్స్
Project K Movie : పాన్ ఇండియా స్టార్ గా పేరు పొందిన ప్ర‌భాస్ హ‌వా ఏ మాత్రం త‌గ్గ‌లేదు. ఇటీవ‌ల ఓం రౌత్ తీసిన ఆది పురుష్ తీవ్ర వివాదానికి గురైంది. దీంతో ఆదిపురుష్ -2 ఉండ‌ద‌ని తేల్చి చెప్పాడు డార్లింగ్. ఇదిలా ఉండగా త‌న రేంజ్ కు త‌గిన‌ట్లుగానే ప్ర‌భాస్ ఏకంగా ఒక్కో సినిమాకు క‌నీసం రూ. 150 కోట్లు పారితోషకంగా తీసుకుంటాడ‌ని టాక్. తాజాగా ప్రాజెక్టు కె(Project K) పేరుతో మూవీని ప్ర‌క‌టించారు మూవీ మేక‌ర్స్ . ఇందులో దిగ్గ‌జ న‌టీన‌టులు న‌టిస్తుండ‌డంతో భారీ అంచ‌నాలు నెల‌కొన్నాయి.
అయితే వీరి రెమ్యూన‌రేష‌న్ చూస్తే క‌ళ్లు బైర్లు క‌మ్మేలా ఉన్నాయి. అత్య‌ధిక పారితోష‌కం ప్ర‌భాస్ తీసుకుంటుండ‌గా మిగ‌తా వారంతా కొద్ది మేర స‌రిపెట్టుకుంటున్నారు. లోక నాయ‌కుడిగా పేరు పొందిన త‌మిళ దిగ్గ‌జ న‌టుడు క‌మ‌ల్ హాస‌న్ రూ. 20 కోట్లు , అందాల ముద్దుగుమ్మ దీపికా ప‌దుకొనే రూ. 10 కోట్లు తీసుకుంటున్న‌ట్లు టాక్.
ఇక జ‌గ‌మెరిగిన యాక్ట‌ర్ బాలీవుడ్ లో టాప్ లో కొన‌సాగుతున్న అమితాబ్ బ‌చ్చ‌న్ తో పాటు దిశా ప‌టానీ ,ఇత‌రులు క‌లిసి రూ. 20 కోట్లు తీసుకుంటున్న‌ట్లు స‌మాచారం. ఇదే విష‌యాన్ని ప్ర‌ముఖ సినీ క్రికెట్ మ‌నోబాల‌న్ వెల్ల‌డించారు. సినిమాకు సంబంధించి రెమ్యున‌రేష‌న్ ఖర్చు ఏకంగా రూ. 200 కోట్లు దాట‌డం విశేషం. మొత్తం ప్రొడ‌క్ష‌న్ కాస్ట్ దాదాపు రూ. 400 కోట్లు మొత్తం క‌లిపి ప్రాజెక్టు కె మూవీ ఖర్చు రూ. 600 కోట్ల‌వుతుంద‌ని అంచ‌నా.
Also Read : KTR Lu Lu Group : ‘లులు’ గ్రూప్ రూ. 3,500 కోట్ల పెట్టుబ‌డి