Pushpa-2 Teaser : పుష్ప-2 టీజ‌ర్ మామూలు లేదుగా
సోష‌ల్ మీడియాలో హ‌ల్ చ‌ల్
Pushpa-2 Teaser : బ‌న్నీ పుట్టిన రోజు సంద‌ర్భంగా మైత్రీ మూవీ మేక‌ర్స్ విడుద‌ల చేసిన పుష్ప-2 పోస్ట‌ర్ , టీజ‌ర్ దుమ్ము రేపుతోంది. రిలీజైన క్ష‌ణాల్లోపే ల‌క్ష‌ల్లో లైకులు, కామెంట్స్ తో హోరెత్తిస్తున్నారు. ప్ర‌స్తుతం సోష‌ల్ మీడియాలో వైర‌ల్ గా మారింది.
ఇప్ప‌టికే క్రియేటివ్ డైరెక్ట‌ర్ సుకుమార్ ద‌ర్శ‌క‌త్వం వ‌హించిన పుష్ప రాజ్ రికార్డుల‌ను బ‌ద్ద‌లు కొట్టింది. వ‌సూళ్ల‌లో టాప్ లో నిలిచింది. అల్లు అర్జున్ మాస్ అప్పీల్ , ర‌ష్మిక మందన్నా న‌ట‌న, స‌మంత పాట ఊపేసింది. సినిమాకు ప్ర‌ధాన ఆక‌ర్ష‌ణ‌గా నిలిచింది. ఇక పుష్ప మూవీకి సంబంధించి పార్ట్ -2 కూడా ఉంటుంద‌ని ఇప్ప‌టికే ప్ర‌క‌టించారు ద‌ర్శ‌కుడు సుకుమార్.
ఆ మేర‌కు మ‌రింత అంచ‌నాలు పెంచేలా చేశాయి. తాజాగా పోస్ట‌ర్ , టీజ‌ర్ ఓ రేంజ్ లో ఉండ‌డంతో బ‌న్నీ ఫ్యాన్స్ పండుగ చేసుకుంటున్నారు. మెగా ఫ్యాన్స్ సైతం సంతోషం వ్య‌క్తం చేస్తున్నారు. బ‌న్నీని గంగ‌మ్మ జాత‌ర అమ్మోరు లుక్ లో క‌నిపించేలా చేశాడు సుకుమార్. దీనికి సంబంధించి ఓ ఇంట్రెస్టింగ్ క్యాప్ష‌న్ కూడా త‌గిలించాడు. పుష్ప 2 ..ద రూల్ బిగిన్స్ అంటూ ముందుకు వ‌చ్చిన ఈ పోస్ట‌ర్ ఇప్పుడు హాట్ టాపిక్ గా మారింది. సోష‌ల్ మీడియాను షేక్ చేస్తోంది. ట్విట్ట‌ర్ లో అరుదైన రికార్డ్ న‌మోదు చేయ‌డం విశేషం.
విడుద‌లైన అతి త‌క్కువ స‌మ‌యంలోనే భారీగా లైకులు సంపాదించిన ఫ‌స్ట్ లుక్ పోస్ట‌ర్ గా నిలిచింది. ఇప్ప‌టి దాకా రామ్ చ‌ర‌ణ్ గేమ్ ఛేంజ‌ర్ ను బ‌న్నీ దాటేశాడు. విచిత్రం ఏమిటంటే పుష్ప -2 టీజ‌ర్ కు(Pushpa-2 Teaser) తెలుగులో కంటే హిందీలోనే ఎక్కువ వ్యూస్ రావ‌డం విస్తు పోయేలా చేసింది.
Also Read : పార్క్ జిన్ నోట నాటు నాటు పాట