Rashid Khan IPL : ర‌షీద్ ఖాన్ క‌మాల్ రాజ‌స్థాన్ ఢ‌మాల్

Rashid Khan IPL : ఐపీఎల్ 16వ సీజ‌న్ లో గుజ‌రాత్ టైటాన్స్ దుమ్ము రేపుతోంది. అటు బౌలింగ్ లో ఇటు బ్యాటింగ్ లో త‌న‌కు ఎదురే లేద‌ని చాటుతోంది. తాజాగా జైపూర్ వేదిక‌గా జ‌రిగిన కీల‌క లీగ్ మ్యాచ్ లో రాజ‌స్తాన్ ను 118 ప‌రుగుల‌కే క‌ట్ట‌డి చేసింది. ఆ త‌ర్వాత 9 వికెట్ల‌తో సుల‌భంగా గ్రాండ్ విక్ట‌రీ న‌మోదు చేసింది. పాయింట్ల ప‌ట్టిక‌లో టాప్ లో కొన‌సాగుతోంది.

ఇక మ్యాచ్ విష‌యానికి వ‌స్తే కేర‌ళ స్టార్ సంజూ శాంస‌న్ టాస్ గెలిచి ముందుగా బ్యాటింగ్ ఎంచుకున్నాడు. ఒక్క కెప్టెన్ శాంస‌న్ త‌ప్పా ఏ ఒక్క బ్యాట‌ర్ గుజ‌రాత్ బౌల‌ర్లను ఎదుర్కోలేక పోయారు. ఆయా జ‌ట్ల ప‌రంగా చూస్తే అత్యంత బ‌ల‌మైన బ్యాటింగ్ లైన‌ప్ ఉన్న రాజ‌స్థాన్ రాయ‌ల్స్ బౌల‌ర్ల బంతులకు త‌ల‌వంచారు. ప్ర‌ధానంగా ఆప్గ‌నిస్తాన్ స్టార్ బౌల‌ర్ ర‌షీద్ ఖాన్(Rashid Khan IPL) నిప్పుల్లాంటి బంతుల‌తో బ్యాట‌ర్ల‌ను బోల్తా కొట్టించాడు. అత‌డికి తోడు మ‌రో ఆఫ్గాన్ బౌల‌ర్ నూర్ అహ్మ‌ద్ సైతం రెచ్చి పోయాడు.

క‌ళ్లు చెదిరే బాల్స్ తో బ్యాట‌ర్ల‌కు షాక్ ఇచ్చాడు. ర‌షీద్ ఖాన్ 4 ఓవ‌ర్ల‌లో 3 వికెట్లు తీస్తే నూర్ అహ్మ‌ద్ 2 వికెట్లు కూల్చాడు. ఇక లిటిల్ , పాండ్యా చెరో వికెట్ తీశారు. య‌శ‌స్వి జైశ్వాల్ ర‌నౌట్ రూపంలో వెనుదిరిగాడు. మొత్తంగా మ‌రోసారి ర‌షీద్ ఖాన్ త‌న స‌త్తా ఏమిటో రుచి చూపించాడు రాజ‌స్థాన్ కు.

Also Read : రాణించిన వృద్దిమాన్ సాహా