RCB vs MI IPL : ముంబై ను చిత్తు చిత్తు గా ఓడించిన బెంగుళూరు
RCB vs MI IPL : ఐపీఎల్ 2023 (IPL 2023)లో రాయల్ ఛాలెంజర్స్ బెంగళూరు (Royal Challengers Bangalore) అదిరిపోయే ఆరంభాన్ని అందుకుంది. ముంబయి ఇండియన్స్‌తో ఆదివారం రాత్రి చిన్నస్వామి స్టేడియం వేదికగా జరిగిన మ్యాచ్‌లో 8 వికెట్ల తేడాతో తిరుగులేని విజయాన్ని ఆర్సీబీ అందుకుంది(RCB vs MI IPL).
మ్యాచ్‌లో ఫస్ట్ బ్యాటింగ్ చేసిన ముంబయి 7 వికెట్ల నష్టానికి 171 పరుగులు చేయగా.. లక్ష్యఛేదనలో విరాట్ కోహ్లీ (82 నాటౌట్: 49 బంతుల్లో 6×4, 5×6), డుప్లెసిస్ (73: 43 బంతుల్లో 5×4, 6×6) దూకుడుగా ఆడేశారు. దాంతో 16.2 ఓవర్లలోనే 172/2తో ఆర్సీబీ విజయాన్ని అందుకుంది.
ఛేదనలో మొదటి నుంచే కెప్టెన్ డుప్లెసిస్ టాప్‌గేర్‌లో ఆడేశాడు. స్పిన్నర్, పేసర్ అని తేడా చూపకుండా వరుసగా ఫోర్లు, సిక్సర్లు కొట్టేశాడు. మరోవైపు విరాట్ కోహ్లీ క్రీజులో కుదురుకునేందుకు కాస్త సమయం తీసుకున్నా ఆ తర్వాత డుప్లెసిస్‌తో పోటీపడి బౌండరీలు బాదేశాడు.
ఫస్ట్‌లోనే కోహ్లీ ఇచ్చిన క్యాచ్‌ని ముంబయి బౌలర్ జోప్రా ఆర్చర్ నేలపాలు చేశాడు. ఇక అక్కడి నుంచి కోహ్లీని ముంబయి బౌలర్లు నిలువరించలేకపోయారు(RCB vs MI IPL). అలవోకగా సిక్సర్లు బాదేసిన డుప్లెసిస్- కోహ్లీ జంట తొలి వికెట్‌కి 14.5 ఓవర్లలో 148 పరుగుల భాగస్వామ్యం నెలకొల్పింది. గెలుపు ముంగిట డుప్లెసిస్ ఔటైపోగా.. అనంతరం వచ్చిన దినేశ్ కార్తీక్ (0) విఫలమయ్యాడు. కానీ.. నెం.4లో వచ్చిన గ్లెన్ మాక్స్‌వెల్ (12 నాటౌట్: 3 బంతుల్లో 2×6)తో కలిసి గెలుపు లాంఛనాన్ని సిక్స్‌తో విరాట్ కోహ్లీ పూర్తి చేశాడు.
అంతకముందు ముంబయి టీమ్ పరువుని హైదరాబాద్ కుర్రాడు తిలక్ వర్మ కాపాడాడు. టాస్ ఓడి మొదట బ్యాటింగ్ చేసిన ముంబయి టీమ్ 48/4తో నిలిచిన దశలో కేవలం 46 బంతుల్లోనే 9×4, 4×6 సాయంతో తిలక్ వర్మ అజేయంగా 84 పరుగులు చేశాడు.
ఇషాన్ కిషన్ (10: 13 బంతుల్లో 2×4), రోహిత్ శర్మ (1: 10 బంతుల్లో) , కామెరూన్ గ్రీన్ (5), సూర్యకుమార్ యాదవ్ (15) ఫెయిలైన పిచ్‌పై తిలక్ వర్మ అలవోకగా సిక్సర్లు కొట్టేశాడు. అతనికి చివర్లో నీహాల్ వధీర (21: 13 బంతుల్లో 1×4, 2×6), అర్షద్ ఖాన్ (15 నాటౌట్: 9 బంతుల్లో 1×6) సపోర్ట్ చేశారు.
Also Read : ధోనీ పాదాలకు నమస్కరించిన స్టార్‌ సింగర్‌ వీడియో వైరల్