RCB vs UPW WPL 2023 : హ‌మ్మ‌య్య బోణీ కొట్టిన ఆర్సీబీ

RCB vs UPW WPL 2023 : స్మృతీ మంధాన సార‌థ్యంలోని రాయ‌ల్ ఛాలెంజ‌ర్స్ బెంగ‌ళూరు(RCB vs UPW WPL 2023) ఎట్ట‌కేల‌కు మ‌హిళ‌ల ప్రీమియ‌ర్ లీగ్ లో బోణీ కొట్టింది. ఇప్ప‌టి వ‌ర‌కు ఆడిన ఐదు మ్యాచ్ ల‌లో వ‌రుస ప‌రాజ‌యాలు చ‌వి చూసింది. అటు ఆట ప‌రంగా కెప్టెన్సీ ప‌రంగా స్మృతీ మంధాన తీవ్ర నిరాశ ప‌రిచింది.

ఇక లీగ్ లో భాగంగా యూపీ వారియ‌ర్స్ తో జ‌రిగిన మ్యాచ్ లో తొలి గెలుపు న‌మోదు చేసింది. క‌నికా ఆహుజా, ఎల్లీస్ పెర్రీ స‌త్తా చాట‌డంతో విజ‌యం సాధ్య‌మైంది ఆర్సీబీకి. పెర్రీ మూడు వికెట్లు తీస్తే సోఫీ డివైన్ రెండు వికెట్ల‌తో క‌ట్ట‌డి చేసింది ప్ర‌త్య‌ర్థి జ‌ట్టును.

న‌వీ ముంబైలో జ‌రిగిన మ్యాచ్ లో యూపీ వారియ‌ర్స్ ను 135 ప‌రుగుల‌కే క‌ట్ట‌డి చేసింది. ఇక ఆ జ‌ట్టులో గ్రేస్ హారిస్ 46 ర‌న్స్ చేసింది. కానీ ఇత‌ర బ్యాట‌ర్లు స‌హ‌క‌రించ లేదు. ఈ మ్యాచ్ లో ఆర్సీబీ కెప్టెన్ స్మృతీ మంధాన టాస్ గెలిచి ముందుగా బ్యాటింగ్ ఎంచుకుంది. అనంత‌రం 136 ప‌రుగుల‌తో బ‌రిలోకి దిగిన ఆర్సీబీ అవ‌లీల‌గా చేదించింది.

ఇదిలా ఉండ‌గా యూపీ వారియ‌ర్స్ నుంచి అలిస్సా హీలీ , దేవికా వైద్య‌, కిర‌ణ్ న‌వ్ గిరే, గ్రేస్ హారిస్ , త‌హ్లియా మెక్ గ్రాత్ , సిమ్రాన్ షేక్ , సోఫీ ఎక్లెస్టోన్ , దీప్తి శ‌ర్మ , శ్వేతా సెహ్రావ‌త్ , అంజ‌లి స‌ర్వాణి, రాజేశ్వ‌రి గైక్వాడ్ ఆడారు. ఇక రాయ‌ల్ చాలెంజ‌ర్స్ బెంగ‌ళూరు నుంచి స్మృతి మంధాన‌, సోఫీ డివైన్ , ఎల్లీస్ , హీథ‌ర్ నైట్ , రిచా ఘోష్ , శ్రేయాంక పాటిల్ , దిశా క‌స‌త్ , మేఘ‌న్ షుట్ , ఆశా భోబ‌న‌, రేణుకా ఠాకూర్ సింగ్ , క‌నికా ఆడారు.

Also Read : వ‌న్డే పోరుకు భారత్ ఆసిస్ రెడీ