Revanth Reddy : రాహుల్ జీ జీతే ర‌హో – రేవంత్
క‌ల‌కాలం చ‌ల్లంగ బ‌తుకు
Revanth Reddy : టీపీసీసీ చీఫ్ రేవంత్ రెడ్డి ఆస‌క్తిక‌ర వ్యాఖ్య‌లు చేశారు. ఏఐసీసీ మాజీ చీఫ్ రాహుల్ గాంధీ పుట్టిన రోజు సంద‌ర్భంగా శుభాకాంక్ష‌లు తెలిపారు. దేశ వ్యాప్తంగా ఆయ‌న‌కు అభినంద‌న‌లు వెల్లువెత్తుతున్నాయి. సామాజిక మాధ్య‌మాల‌లో రాహుల్ గాంధీ ట్రెండింగ్ లో నిలిచారు. ఇదిలా ఉండ‌గా ఈ దేశం గ‌ర్వించ ద‌గిన నాయ‌కులు రాహుల్ జీ ఒక‌ర‌ని పేర్కొన్నారు రేవంత్ రెడ్డి.
ట్విట్ట‌ర్ వేదిక‌గా ప్ర‌శంస‌ల జ‌ల్లులు కురిపించారు. ఈ దేశానికి అందివ‌చ్చిన నాయ‌కుడిగా గుర్తింపు పొందార‌ని కొనియాడారు. దేశాన్ని కులం పేరుతో, మ‌తం పేరుతో, విద్వేషాల పేరుతో ప్ర‌జ‌ల‌ను విడ‌దీసేందుకు ప్ర‌య‌త్నం చేస్తున్న ప్ర‌ధాని మోదీని, అమిత్ షాను, బీజేపీని, దాని అనుబంధ సంస్థ‌ల‌కు కంటి మీద కునుకు లేకుండా చేస్తున్న అరుదైన నాయ‌కుడు రాహుల్ గాంధీ అని స్ప‌ష్టం చేశారు రేవంత్ రెడ్డి(Revanth Reddy).
యువ నాయ‌కుడి సార‌థ్యంలో కాంగ్రెస్ పార్టీ మ‌రింత ముందుకు వెళుతుంద‌ని పేర్కొన్నారు. సంక్షోభ స‌మ‌యంలో ఉన్న దేశానికి స‌రైన నాయ‌క‌త్వం అవ‌స‌ర‌మ‌ని అందుకు రాహుల్ గాంధీ స‌రిగ్గా స‌రి పోతార‌ని పేర్కొన్నారు. ప్ర‌జ‌ల ప‌ట్ల ప్రేమ, దేశం ప‌ట్ల గౌర‌వం, ప్ర‌జాస్వామ్యం ప‌ట్ల న‌మ్మ‌కం క‌లిగి ఉండ‌డం మామూలు విష‌యం కాద‌న్నారు. త్యాగాలకు పెట్టింది పేరు రాహుల్ కుటుంబానిద‌ని గుర్తు చేశారు.
Also Read : YS Sharmila : రాహుల్ గాంధీకి ష‌ర్మిల విషెస్