Sachin Tendulkar : స‌చిన్ టెండూల్క‌ర్ సిక్స్ సెన్సేష‌న్

Sachin Tendulkar : వ‌య‌స్సు పెరిగినా త‌నలో ఇంకా కెపాసిటీ త‌గ్గ‌లేద‌ని నిరూపించాడు మాజీ క్రికెట‌ర్ స‌చిన్ ర‌మేష్ టెండూల్క‌ర్(Sachin Tendulkar). త‌న‌కు ఎప్ప‌టి లాగే అల‌వాటుగా మారిన సిక్స్ తో అల‌రించాడు.

దీంతో ఇప్పుడు స‌చిన్ కొట్టిన సిక్స్ సెన్షేష‌న్ గా మారింది. సోష‌ల్ మీడియాలో హ‌ల్ చ‌ల్ చేస్తోంది. అభిమానులు, నెటిజ‌న్లు చుర‌క లంటిస్తున్నారు బీసీసీఐకి.

సెలెక్ష‌న్ క‌మిటీ ఆస్ట్రేలియాలో త్వ‌ర‌లో జ‌ర‌గ‌బోయే టి20 వ‌ర‌ల్డ్ కప్ కోసం ఎంపిక చేసిన జ‌ట్టు కూర్పుపై తీవ్ర విమ‌ర్శ‌లు ఎదుర‌య్యాయి.

ఈ సంద‌ర్భంగా ఎలాంటి జంకు లేకుండా దుమ్ము రేపుతూ ఆడుతున్న స‌చిన్ టెండూల్క‌ర్ ను వ‌ర‌ల్డ్ క‌ప్ కు ఎంపిక చేసి ఉంటే బావుడేందంటూ ఎద్దేవా చేశారు.

ప్రస్తుతం మాజీ క్రికెట్ ఆట‌గాళ్ల‌తో టోర్నీ నిర్వ‌హిస్తున్నారు. ఈ సంద‌ర్బంగా ఇండియా లెజెండ్స్ కెప్టెన్ గా ఉన్నాడు స‌చిన్. రోడ్ సేఫ్టీ వ‌ర‌ల్డ్ సీరీస్ లో ఇంగ్లండ్ లెజెండ్స్ తో జ‌రిగిన మ్యాచ్ లో కేవ‌లంల 20 బంతులు మాత్ర‌మే ఎదుర్కొన్న స‌చిన్ టెండూల్క‌ర్(Sachin Tendulkar) 40 ప‌రుగుల‌తో మెరుపు ఇన్నింగ్స్ ఆడాడు.

ఇందులో మూడు ఫోర్లు మూడు సిక్స‌ర్లు ఉన్నాయి. అత‌ను అద్భుత‌మైన ప్రారంభాన్ని అందించాడు. అత‌డి జ‌ట్టు 40 ప‌రుగుల భారీ తేడాతో విజ‌యం సాధించింది.

ఇందులో కీల‌క పాత్ర పోషించాడు స‌చిన్ ర‌మేష్ టెండూల్క‌ర్. దీంతో ట్విట్ట‌ర్ వేదిక‌గా నెటిజ‌న్లు పెద్ద ఎత్తున స్పందిస్తున్నారు. ప్ర‌స్తుతం భార‌త జ‌ట్టు ప‌రుగుల లేమితో ఇబ్బందులు ప‌డుతోంద‌ని స‌చిన్ కు ఆ ఛాన్స్ ఇవ్వాల‌ని కోరుతున్నారు.

Also Read : కీవీస్ పై భార‌త్ – ఎ గ్రాండ్ విక్ట‌రీ