Sanju Samson : ఈసారైనా శాంస‌న్ రాణించేనా
పేల‌వ‌మైన ప్ర‌ద‌ర్శ‌న‌తో బిగ్ షాక్
Sanju Samson : కేర‌ళ స్టార్ సంజూ శాంస‌న్ మ‌రోసారి త‌న ఆట తీరును మార్చు కోవ‌డం లేదు. ఐపీఎల్ 16వ సీజ‌న్ లో కెప్టెన్ గా రాణిస్తున్నా ఆశించిన మేర వ్య‌క్తిగ‌తంగా రాణించ‌క పోవ‌డం జ‌ట్టు యాజ‌మాన్యాన్ని ఒకింత ఆందోళ‌న‌కు గురి చేస్తోంది. ఇప్ప‌టి వ‌ర‌కు రాజ‌స్థాన్ రాయ‌ల్స్ జ‌ట్టు 9 మ్యాచ్ లు ఆడింది. ఇందులో 5 మ్యాచ్ లలో గెలుపొంద‌గా 4 మ్యాచ్ లలో ఓట‌మి పాలైంది. ఆరంభంలో అదుర్స్ అనిపించినా ఆ త‌ర్వాత వ‌రుస వైఫ‌ల్యాల‌తో ఒకింత నిరాశ‌కు ఉరి చేస్తోంది.
నాయ‌కుడిగా ముందుండి న‌డిపించాల్సిన సంజూ శాంస‌న్(Sanju Samson) ఉన్న‌ట్టుండి భారీ షాట్స్ ఆడబోయి చేజేతులారా త‌న విలువైన వికెట్ ను పారేసుకుంటున్నాడు. రాజ‌స్థాన్ రాయ‌ల్స్ జ‌ట్టు హెడ్ కోచ్ కుమార సంగ‌క్క‌ర కీల‌క వ్యాఖ్య‌లు చేశాడు. వ‌రుసగా సంజూ శాంస‌న్ వైఫ‌ల్యం చెందుతుండ‌డంపై కీల‌క వ్యాఖ్య‌లు చేశాడు. శాంస‌న్ అద్భుత‌మైన ప్లేయ‌ర్ అని, ప‌రుగుల కోసం ఎప్పుడూ పాకులాడ‌డం జ‌ర‌గ‌ద‌ని కేవ‌లం జ‌ట్టు ప్ర‌యోజ‌నాల కోసం ఆడ‌తాడ‌ని స్ప‌ష్టం చేశాడు.
లీగ్ మ్యాచ్ లు పూర్త‌య్యే దశ‌కు చేరుకున్నాయి. ప్లే ఆఫ్ రేసులో నిల‌వాలంటే ఇవాళ జ‌రిగే మ్యాచ్ లో త‌ప్ప‌నిస‌రిగా గెల‌వాలి. అద్భుత‌మైన బ్యాటింగ్ లైన‌ప్ ఉన్న రాజ‌స్థాన్ ఆదిలోనే తేలి పోతోంది. ఒక్క జైశ్వాల్ త‌ప్ప ఇంకే ప్లేయ‌ర్ ఆశించిన మేర రాణించ‌డం లేదు. ఇక‌నైనా త‌న ఆట తీరు మార్చుకోవాల‌ని స‌త్తా చాటాల‌ని ఫ్యాన్స్ కోరుతున్నారు.
Also Read : రాజ‌స్థాన్ రాణిస్తుందా గుజ‌రాత్ గెలుస్తుందా