Sanju Samson Record : సంజూ శాంస‌న్ రికార్డ్ బ్రేక్

Sanju Samson Record : నువ్వా నేనా అన్న రీతిలో కొన‌సాగుతున్న 16వ సీజ‌న్ ఐపీఎల్ 2023లో అద్భుతాలు చోటు చేసుకుంటున్నాయి. యువ ఆట‌గాళ్లు త‌మ‌దైన రీతిలో రాణిస్తున్నారు. ప‌రుగుల వ‌ర‌ద పారిస్తున్నారు. బౌల‌ర్లు సైతం వికెట్లు తీస్తూ త‌మ‌కు ఎదురే లేద‌ని రికార్డుల మోత మోగిస్తున్నారు.

లీగ్ లో భాగంగా హైద‌రాబాద్ వేదిక‌గా జ‌రిగిన కీల‌క పోరులో రాజ‌స్థాన్ రాయ‌ల్స్ భారీ స్కోర్ న‌మోదు చేసింది. 20 ఓవ‌ర్ల‌లో కేవ‌లం 5 వికెట్లు మాత్ర‌మే కోల్పోయి 203 ప‌రుగుల భారీ స్కోర్ సాధించింది. అనంత‌రం బ‌రిలోకి దిగిన స‌న్ రైజ‌ర్స్ హైద‌రాబాద్ 131 ర‌న్స్ కే చాప చుట్టేసింది.

రాజ‌స్థాన్ రాయ‌ల్స్ జ‌ట్టులో జోస్ బ‌ట్ల‌ర్ , య‌శ‌స్వి జైశ్వాల్ , కెప్టెన్ సంజూ శాంస‌న్ లు (Sanju Samson Record ) ఆకాశ‌మే హ‌ద్దుగా చెల‌రేగారు. ఇక శాంస‌న్ అరుదైన రికార్డు న‌మోదు చేశాడు. 32 బంతులు ఎదుర్కొని 55 ర‌న్స్ చేశాడు. జ‌ట్టులో అత్య‌ధిక స్కోర్ శాంస‌న్ దే కావ‌డం విశేషం. ఐపీఎల్ లో స‌న్ రైజ‌ర్స్ హైద‌రాబాద్ పై 700 ప‌రుగులు చేసిన క్రికెట‌ర్ గా సంజూ శాంస‌న్ చ‌రిత్ర సృష్టించాడు. తొలి బ్యాట‌ర్ గా నిలిచాడు .

అంత‌కు ముందు ఎస్ ఆర్ హెచ్ పై రాయ‌ల్ ఛాలెంజ‌ర్స్ బెంగ‌ళూరుకు చెందిన మాజీ కెప్టెన్ విరాట్ కోహ్లీ అత్యధిక ప‌రుగులు చేసిన క్రికెట‌ర్ గా నిలిచాడు. కోహ్లీ ఎస్ ఆర్ హెచ్ పై 600 ర‌న్స్ చేశాడు. ప్ర‌స్తుతం రెండో స్థానంలో కొన‌సాగుతున్నాడు. దీంతో ఐపీఎల్ లో ఏకైక బ్యాట‌ర్ గా నిలిచాడు సంజూ శాంస‌న్.

Also Read : వెల్ డ‌న్ బాయ్స్ – సంగ‌క్క‌ర