Soyam Bapu Rao: బీజేపీ అగ్రనేతలపై సోయం బాపురావు సంచలన కామెంట్స్‌ !

Soyam Bapu Rao: ఆదిలాబాద్ ఎంపీ సోయం బాపురావు… బీజేపీ అగ్రనేతలపై సంచలన కామెంట్స్ చేసారు. తనకు లోక్ సభ టిక్కెట్టు రాకుండా బీజేపీకు చెందిన అగ్రనేతలే అడ్డుపడ్డుపడుతున్నారని ఆరోపించారు. నా బలం… బలగం కావాలనుకుంటే బీజేపీ అధిష్టానం నాకు టిక్కెట్టు కేటాయిస్తుంది. లేదంటే దానికి తగిన మూల్యం చెల్లించుకుంటుందంటూ ఆశక్తికర వ్యాఖ్యలు చేసారు. బీజేపీ అగ్ర నాయకత్వం 195 మంది అభ్యర్ధులతో మొదటి జాబితాను శనివారం విడుదల చేసింది. అయితే ఆ జాబితాలో సిట్టింగ్ ఎంపీగా ఉన్న సోయం బాపురావుకు స్థానం దక్కకపోవడంతో ఆయన ఈ సంచలన వ్యాఖ్యలు చేసినట్లు తెలుస్తోంది.

Soyam Bapu Rao comments Viral

ఈ సందర్భంగా ఏర్పాటు చేసిన మీడియా సమావేశంలో సోయం బాపురావు(Soyam Bapu Rao) మాట్లాడుతూ… నాకు ఎంపీ టిక్కెట్‌ రాకుండా పార్టీ అగ్రనేతలే అడ్డుపడ్డారు. ఆదివాసీ నేతకు టికెట్‌ రాకుండా పావులు కదిపారు. నేను ఎక్కడో గెలుస్తానో అనే భయం వాళ్లకు ఉంది. నేను కొమ్మపై ఆధారపడే పక్షిని కాదు… రెక్కల మీద ఆధారపడిన పక్షిని… నేను స్వతహాగా ఎగురగలను. టికెట్‌ రాకపోతే నా దారి నేను చూసుకుంటాను. ఆదిలాబాద్ పార్లమెంట్ సీటు నాదే… గెలిచేది కూడా నేనే. పార్టీ ఏదనేది అధిష్ఠానం ఆలోచించుకోవాలని అల్టిమేటం జారీ చేసారు.

2019లో ‌టికెట్ ఇస్తా అంటే పారిపోయిన నేతలే ఇప్పుడు టికెట్ కోసం ఇప్పుడు పోటీపడుతున్నారు. ఏ బలంలేని సమయంలో నా సొంత బలంతో బీజేపీకి విజయం అందించాను. జడ్పీటీసీలను, ఎంపీపీలను, చివరికి నలుగురు ఎమ్మెల్యేలను గెలిపించాను. నా బలం, బలగం కావాలనుకుంటే పార్టీ టికెట్‌ ఇస్తుంది. రెండో లిస్ట్‌లో నాకు టికెట్‌ వస్తుందని భావిస్తున్నాను. ఎవరి మీద ఆధారపడే నేతను నేను కాదని స్పష్టం చేసారు. ప్రస్తుతం బాపురావు చేసిన వ్యాఖ్యలు నెట్టింట వైరల్ గా మారుతున్నాయి.

Also Read : Pawan Singh: బీజేపీకి షాక్ ! పోటీ చేయలేనంటూ తప్పుకున్న లోక్ సభ అభ్యర్ధి !