స్టాండ్ అప్ క‌మెడియ‌న్ అనుదీప్ అరెస్ట్

ఉత్త‌ర ప్ర‌దేశ్ : ఆంధ్రప్రదేశ్ ఉప ముఖ్యమంత్రి పవన్ కళ్యాణ్‌ను తన ఆన్‌లైన్ వీడియో ద్వారా అవమానించారన్న ఆరోపణలపై స్టాండ్-అప్ కమెడియన్‌ను కాకినాడ పోలీసులు ప్ర‌యాగ్ రాజ్ లో అదుపులోకి తీసుకున్నారు.అనుదీప్ కటికాలను నిన్న‌ రాత్రి సుమారు 7 గంటల సమయంలో అరెస్ట్ చేసిన‌ట్లు స‌మాచారం. ప్రస్తుతం అతన్ని రైలులో కాకినాడకు తరలిస్తున్నారని, ఈ ప్రయాణంలో అతని తల్లిదండ్రులు కూడా తోడుగా ఉన్నారని అతని కుటుంబ సభ్యులు తెలియజేశారు. ప్రథమ సమాచార నివేదిక (FIR) ప్రతిని పరిశీలించిన ఒక న్యాయవాది, పోలీసుల చర్య అనేది అధికారిక అరెస్టు కాదని, కేవలం అదుపులోకి తీసుకోవడం మాత్రమేనని స్పష్టం చేశారు. పోలీసులు కటికాలను తన మొబైల్ ఫోన్ వినియోగించు కోవడానికి అనుమతించారు .

ఏప్రిల్ 11న మధ్యాహ్నం 1.15 గంటలకు కాకినాడ I టౌన్ పోలీస్ స్టేషన్‌లో ఇన్‌స్పెక్టర్ మండలా నాగ దుర్గారావు ఈ FIR (నెం. 62/2026)ను నమోదు చేశారు. జగన్నాధపురంలోని కెనాల్ రోడ్డు నివాసి అయిన 51 ఏళ్ల బాడే వెంకట కృష్ణ ఇచ్చిన లిఖిత పూర్వక ఫిర్యాదు ఆధారంగా ఈ కేసు నమోదైంది. తాను 2014 నుండి జనసేన పార్టీ (JSP) కార్యకర్తగానూ, 2022 నుండి తూర్పు గోదావరి జిల్లా JSP సంయుక్త కార్యదర్శిగానూ సేవలందిస్తున్నట్లు ఫిర్యాదుదారు పేర్కొన్నారు. ఇదిలా ఉండ‌గా అనుదీప్ డిప్యూటీ సీఎం ప‌వ‌న్ క‌ళ్యాణ్ ను దూషించారు. దీనిని సీరియ‌స్ గా తీసుకున్నారు జ‌న‌సేన పార్టీ నేత‌లు.
…