Sudha Murthy Troll : సుధా మూర్తి ‘క‌థ’పై కామెంట్స్
10 డౌనింగ్ స్ట్రీట్ వ్య‌వ‌హారం
Sudha Murthy Troll : సుధా మూర్తి గురించి ప్ర‌త్యేకంగా చెప్పాల్సిన ప‌ని లేదు. ఆమె అత్యంత జ‌నాద‌ర‌ణ క‌లిగిన మ‌హిళాగా గుర్తింపు పొందారు. ఇన్ఫోసిస్ ఐటీ కంపెనీ చైర్మ‌న్ భార్య. త‌న అల్లుడే ఇప్పుడు బ్రిట‌న్ ప్ర‌ధాన‌మంత్రి రిషి సున‌క్. కూతురు అక్ష‌తా మూర్తి. లండ‌న్ లో అత్యంత ధ‌న‌వంతుల జాబితాలో రిషి, అక్ష‌త ఉన్నారు.
తాజాగా సుధా మూర్తి క‌పిల్ శర్మ షోలో పాల్గొన్నారు. ఈ సంద‌ర్బంగా త‌న అనుభ‌వాల‌ను పంచుకున్నారు. ఇదే స‌మ‌యంలో ఆమె 10 డౌనింగ్ స్ట్రీట్ పై చేసిన వ్యాఖ్య‌లు ప్రాధాన్య‌త సంత‌రించుకున్నాయి. దీనిపై సోష‌ల్ మీడియాలో కొంద‌రు వ్య‌తిరేకిస్తే మ‌రికొంద‌రు అనుసరించారు. ఇది పెద్ద ఎత్తున చ‌ర్చ‌కు దారి తీసేలా చేసింది. ఈ ఏడాది కేంద్ర ప్ర‌భుత్వం అత్యంత ప్రతిష్టాత్మ‌క‌మైన ప‌ద్మ‌భూష‌ణ్ పుర‌స్కారంతో స‌త్క‌రించింది.
క‌పిల్ శ‌ర్మ‌తో మాట్లాడుతూ సుధా మూర్తి కీల‌క వ్యాఖ్య‌లు చేశారు(Sudha Murthy Troll).లండ‌న్ లోని ఒక ఇమ్మిగ్రేష‌న్ ఆఫిస‌ర్ త‌న నివాస చిరునామాను 10 డౌనింగ్ స్ట్రీట్ అని రాశాన‌ని, కానీ న‌మ్మేందుకు స‌ద‌రు అధికారి నిరాక‌రించార‌ని చెప్పారు సుధా మూర్తి. ఈ కామెంట్స్ పై నెటిజ‌న్లు తీవ్రంగా స్పందించారు.
భార‌త దేశంలోని అత్యంత సంప‌న్నుల‌లో ఒక‌రైన సుధా మూర్తి లండ‌న్ ఎయిర్ పోర్ట్ లో ఇద్ద‌రు మ‌హిళ‌లు త‌న‌ను బెహ‌న్ జీ అని పిలిచార‌ని చెప్పారు క‌పిల్ శ‌ర్మ‌తో.
Also Read : Sameer Wankhede