Lionel Messi : ఇది అర్జెంటీనా ప్ర‌జ‌ల విజ‌యం – మెస్సీ

Lionel Messi : మ‌రోసారి తాను సాక‌ర్ దిగ్గ‌జ‌మ‌ని నిరూపించుకున్నాడు లియోనెల్ మెస్సీ(Lionel Messi). త‌న సార‌థ్యంలో ఫిఫా వ‌ర‌ల్డ్ క‌ప్ 2022ను సాధించాడు. అత‌డి చిర‌కాల కోరిక కూడా అదే. ఒక సాధార‌ణ కూలీ కొడుకు మెస్సీ. చిన్న త‌నం నుంచే అత‌డికి బంతి అంటే ఇష్టం. అదే మెస్సీని మోస్ట్ పాపుల‌ర్ ఫుట్ బాల‌ర్ గా త‌యార‌య్యేలా చేసింది.

కోట్లాది రూపాయ‌లు విలువ చేసే అత‌డి బ్రాండ్ ను ప‌క్క‌న పెడితే తాను మూలాలు మ‌రిచి పోలేద‌ని మ‌రోసారి నిరూపించాడు. సుదీర్ఘ సాక‌ర్ ప్ర‌యాణం నుంచి నిష్క్ర‌మిస్తున్న‌ట్లు ప్ర‌క‌టించాడు. కోట్లాది మంది అభిమానుల‌ను కంట త‌డి పెట్టించేలా చేశాడు. ఇక త‌న క‌ల‌ను సాకారం చేసుకున్న మెస్సీ నిజ‌మైన విశ్వ విజేత‌గా పుట్ బాల్ ప్ర‌పంచం నుంచి సంతోషంగా త‌ప్పుకోవ‌డం విశేషం.

ఇక ఖ‌తార్ లోని దోహా వేదిక‌గా జ‌రిగిన ఫైన‌ల్ మ్యాచ్ లో ఫ్రాన్స్ ను 4-2 తేడాతో ఓడించి గోల్డెన్ క‌ప్ ను ముద్దాడాడు మెస్సీ(Lionel Messi). ఈ సంద‌ర్భంగా ప‌ట్ట‌రాని సంతోషానికి లోన‌య్యాడు. భావోద్వేగాల‌ను అణుచుకోలేక పోయాడు. తానే క‌న్నీళ్లు పెట్టుకున్నాడు. అత్యుత్త‌మ గోల్ కీప‌ర్ గా అవార్డు దక్కించుకున్నా ఎమిలియానో మార్టినెజ్ ను హ‌త్తుకుని బావురుమ‌న్నాడు.

అనంత‌రం మీడియాతో మాట్లాడాడు లియోనెల్ మెస్సీ. ఇలాంటి స‌న్నివేశం కోసం నేను ఇంత కాలం ఎదురు చూశాను. ఇది అర్జెంటీనా జ‌ట్టు విజ‌యం మాత్ర‌మే కాదు. నా దేశ‌పు ప్ర‌జ‌లంద‌రి గెలుపు. ఈ స‌క్సెస్ ను సాక‌ర్ ను అభిమానించే వారంద‌రికీ అంకితం ఇస్తున్నాన‌ను అన్నాడు. ఆటంటే గెలుపు కాదు దేశ‌పు ఆత్మ‌గౌర‌వంతో కూడుకుని ఉన్న‌ద‌న్నాడు మెస్సీ.

Also Read : మార్టినెజ్ మెస్సీ’ భావోద్వేగం

ARGENTINA – FIFA World Cup 2022 #WorldCupFinal #Messi #ARG #WIN pic.twitter.com/0Qv9nvp5tS

— Lana_Mori✨ (@Lana_Mori_) December 18, 2022