Tim David : రాజ‌స్థాన్ ఆశ‌ల‌పై నీళ్లు చ‌ల్లిన డేవిడ్

Tim David : ముంబై వేదిక‌గా జ‌రిగిన ఐపీఎల్ లీగ్ మ్యాచ్ లో ముంబై ఇండియన్స్ అద్భుత విజ‌యాన్ని న‌మోదు చేసింది. ఆఖ‌రి ఓవ‌ర్ లో 17 ప‌రుగులు కావాల్సి ఉండ‌గా ఆ జ‌ట్టు క్రికెట‌ర్ టిమ్ డేవిడ్(Tim David) ఆకాశ‌మే హ‌ద్దుగా చెల‌రేగాడు. వ‌రుస‌గా మూడు సిక్స‌ర్ల‌తో హోరెత్తించాడు. దీంతో గెలుపు అంచుల దాకా వ‌చ్చిన రాజ‌స్థాన్ రాయ‌ల్స్ బొక్క బోర్లా ప‌డింది.

దీంతో 6 వికెట్ల తేడాతో ముంబై విజ‌యం సాధించింది. కేర‌ళ స్టార్ క్రికెట‌ర్ సంజూ శాంస‌న్ టాస్ గెలిచి ముందుగా బ్యాటింగ్ ఎంచుకున్నాడు. నిర్ణీత 20 ఓవ‌ర్ల‌లో 212 ప‌రుగులు చేసింది. యంగ్ క్రికెట‌ర్ య‌శ‌స్వి జైశ్వాల్ దుమ్ము రేపాడు. కేవ‌లం 62 బంతులు ఎదుర్కొని 16 ఫోర్లు 8 భారీ సిక్స‌ర్ల‌తో విరుచుకు ప‌డ్డాడు.

అనంత‌రం 213 ప‌రుగుల భారీ లక్ష్యంతో బ‌రిలో కి దిగిన ముంబై ఇండియ‌న్స్ ఇంకా 3 బంతులు మిగిలి ఉండ‌గానే ప‌ని పూర్తి చేసింది. మ‌రో గెలుపును అందుకుంది. ప్లే ఆఫ్(Playoffs) ఆశ‌లు స‌జీవంగా ఉంచుకుంది. ఒకానొక ద‌శ‌లో ముంబై టీమ్ ఆశ‌లు వ‌దులుకుంది. క్రీజులో హైద‌రాబాద్ కుర్రాడు తిల‌క్ వ‌ర్మ తో పాటు టిమ్ డేవిడ్ క‌లిసి హోరెత్తించారు. కేవ‌లం 14 బంతులు మాత్ర‌మే ఎదుర్కొన్న టిమ్ డేవిడ్ 45 ర‌న్స్ చేశాడు. ముంబై ఇండియ‌న్స్ కు చిర‌స్మ‌ర‌ణీయ‌మైన విజ‌యాన్ని అందించాడు.

Also Read : ఉత్కంఠ భ‌రిత పోరులో ముంబై విక్ట‌రీ