UPW vs GG WPL 2023 : యూపీ వారియ‌ర్స్ గ్రాండ్ విక్ట‌రీ

UPW vs GG WPL 2023 : ఉమెన్స్ ప్రీమియ‌ర్ లీగ్ (డబ్ల్యూపీఎల్) లో యూపీ వారియ‌ర్స్ అద్భుత విజ‌యాన్ని న‌మోదు చేసింది. గుజ‌రాత్ జెయింట్స్ కు కోలుకోలేని దెబ్బ‌. ఆ జ‌ట్టుకు రిచ్ లీగ్ లో ఇది వ‌రుస‌గా రెండో ఓట‌మి కావ‌డం విశేషం.

ఇదే జ‌ట్టుకు భార‌త జ‌ట్టు మాజీ కెప్టెన్ , హైద‌రాబాదీ స్టార్ మిథాలీ రాజ్ మెంటార్ గా, కోచ్ గా ఉన్నారు. లీగ్ లో ప్రారంభ మ్యాచ్ లో హ‌ర్మ‌న్ ప్రీత్ కౌర్ సార‌థ్యంలోని ముంబై ఇండియ‌న్స్(UPW vs GG WPL 2023) చేతిలో భారీ తేడాతో ఓట‌మి పాలైంది. 

రెండో కీల‌క మ్యాచ్ లో సైతం గుజ‌రాత్ జెయింట్స్ చేతులెత్తేసింది. ఇక వ‌రుస‌గా రెండు మ్యాచ్ ల విజ‌యంతో పాయింట్ల ప‌ట్టిక‌లో ముంబై ఇండియ‌న్స్ టాప్ లోకి చేరింది. ముంబై వేదిక‌గా జ‌రిగిన లీగ్ మ్యాచ్ లో యూపీ వారియ‌ర్స్ అద్భుత ప్ర‌ద‌ర్శ‌న‌తో ఆక‌ట్టుకుంది.3 వికెట్ల తేడాతో గ్రాండ్ విక్ట‌రీ న‌మోదు చేసింది. 

ఇక ఈ గెలుపుతో తొలి విజ‌యాన్ని న‌మోదు చేసింది. పాయింట్ల ప‌ట్టిక‌లో శుభారంభం చేసింది. టాస్ గెలిచి ముందుగా బ్యాటింగ్ ఎంచుకుంది గుజ‌రాత్ జెయింట్స్ . 

నిర్ణీత 20 ఓవ‌ర్ల‌లో 6 వికెట్లు కోల్పోయి 169 ర‌న్స్ చేసింది. అనంత‌రం 170 ప‌రుగుల టార్గెట్ తో బ‌రిలోకి దిగిన యూపీ వారియ‌ర్స్ జ‌ట్టు నిర్ణీత 19.5 ఓవ‌ర్ల‌లో 7 వికెట్లు కోల్పోయి టార్గెట్ ను ఛేదించింది.

యూపీ జ‌ట్టులో న‌వ్ గిరే 5 ఫోర్లు 2 సిక్స్ ల‌తో 53 ర‌న్స్ చేయ‌గా గ్రేస్ హ్యారీస్ 7 ఫోర్లు 3 సిక్స‌ర్ల‌తో రెచ్చి పోయింది. 59 ర‌న్స్ చేసింది. గుజ‌రాత్ జెయింట్స్ గెలుపు ఆశ‌ల‌పై నీళ్లు చ‌ల్లింది.

చివ‌రి ఓవ‌ర్ ఉత్కంఠ భ‌రితంగా సాగింది. ఆఖ‌రి ఓవ‌ర్ లో 19 ర‌న్స్ చేయాల్సి వ‌చ్చింది యూపీ వారియ‌ర్స్ కు. గ్రేస్ 2 ఫోర్లు , 2 సిక్స‌ర్లతో రెచ్చి పోయింది. దీంతో కేవ‌లం ఒక్క బాల్ ఉండ‌గానే విజ‌యం వ‌రించింది.

Also Read : ఢిల్లీ ఝ‌ల‌క్ బెంగ‌ళూరుకు షాక్