Starlink India Price : ఇండియాలో స్టార్ లింక్ ఇంటర్నెట్ ధరలు ఎలా ఉన్నాయి..

Starlink : ఎలాన్ మస్క్ నేతృత్వంలోని స్టార్‌లింక్, ఉపగ్రహ ఆధారిత ఇంటర్నెట్ సేవల ద్వారా ప్రపంచవ్యాప్తంగా కనెక్టివిటీని అందిస్తోంది. ఈ క్రమంలో భారతదేశంలో త్వరలో తన కార్యకలాపాలను ప్రారంభించనున్న స్టార్‌లింక్(Starlink), అత్యాధునిక సాంకేతికతతో అతి తక్కువ ధరల్లో హై-స్పీడ్ ఇంటర్నెట్‌ను అందించనుంది. టెలికమ్యూనికేషన్ శాఖ వర్గాల ప్రకారం, స్టార్‌లింక్ 12 నెలల్లో 600 నుంచి 700 Gbps (గిగాబైట్స్ పర్ సెకండ్) బ్యాండ్‌విడ్త్‌తో భారత మార్కెట్లోకి అడుగుపెట్టనుంది. ఈ సేవలు ముఖ్యంగా గ్రామీణ, మారుమూల ప్రాంతాల్లో ఇంటర్నెట్ వినియోగాన్ని విప్లవాత్మకంగా మార్చనున్నాయి.

Starlink in India Prices

స్టార్‌లింక్ భారత మార్కెట్‌లో సరసమైన ధరలతో పోటీపడనుందని నివేదికలు సూచిస్తున్నాయి. ప్రారంభ ప్రమోషనల్ ఆఫర్‌లో నెలకు కేవలం రూ.840 ($10) ధరకే అపరిమిత డేటా అందించే అవకాశం ఉందని వార్తలు వస్తున్నాయి. ఈ ధర దేశీయ టెలికాం దిగ్గజాలైన జియో, ఎయిర్‌టెల్‌లతో పోలిస్తే తక్కువగా ఉండటం విశేషం. అయితే, ఈ ధర ప్రారంభ ఆఫర్‌కు మాత్రమే పరిమితం కావచ్చు. రెగ్యులర్ ప్లాన్‌లు కొంత ఎక్కువ ధరలో ఉండవచ్చని అంచనా.

ఉదాహరణకు సమీప దేశమైన భూటాన్‌లో స్టార్‌లింక్ రెసిడెన్షియల్ లైట్ ప్లాన్‌ను రూ.3,000, స్టాండర్డ్ రెసిడెన్షియల్ ప్లాన్‌ను రూ.4,200కు అందిస్తోంది. 23-100 Mbps, 25-110 Mbps వేగాలను అందిస్తాయి ఇవి వరుసగా 23-115 Mbps. భారతదేశంలో కూడా ఇలాంటి సరసమైన ప్లాన్‌లను అందించే అవకాశం ఉంది. అదనంగా, వినియోగదారులు స్టార్‌లింక్ కిట్‌ను కొనుగోలు చేయాల్సి ఉంటుంది. దీని ధర సుమారు రూ.20,000- రూ.30,000 వరకు ఉండవచ్చని నివేదికలు చెబుతున్నాయి.

సాంప్రదాయ ఇంటర్నెట్ సేవలు వైర్‌లెస్ లేదా ఫైబర్ కేబుల్స్‌పై ఆధారపడితే, స్టార్‌లింక్(Starlink) ఉపగ్రహాల ద్వారా నేరుగా ఇంటర్నెట్‌ను అందిస్తుంది. దీని వల్ల గ్రామీణ ప్రాంతాల్లో, ఎడారుల్లో లేదా పర్వత ప్రాంతాల్లో కూడా మంచి నెట్ కనెక్టివిటీని పొందవచ్చు. స్టార్‌లింక్ ఇంటర్నెట్ వేగం 100-200 Mbps వరకు ఉంటుందని, భవిష్యత్తులో ఇది 600-700 Gbps బ్యాండ్‌విడ్త్‌తో అత్యధిక వేగాన్ని అందిస్తుందని ఆయా వర్గాలు అంటున్నాయి. ఇప్పటికే స్టార్‌లింక్ 125 దేశాల్లో 50 లక్షల మందికి పైగా వినియోగదారులకు సేవలను అందిస్తోంది.

స్టార్‌లింక్ భారతదేశంలో సేవలను ప్రారంభించడానికి ఎయిర్‌టెల్, రిలయన్స్ జియో వంటి దేశీయ టెలికాం సంస్థలతో ఒప్పందం కుదుర్చుకుంది. ఈ భాగస్వామ్యం ద్వారా వినియోగదారులకు మెరుగైన కస్టమర్ సేవలు, సులభమైన ఇన్‌స్టాలేషన్ అందుబాటులో ఉంటాయి. స్టార్‌లింక్ భారతదేశంలో 2030 నాటికి 57 లక్షల కొత్త వినియోగదారులను లక్ష్యంగా పెట్టుకుంది. దేశంలో 5G విస్తరణతో పాటు, స్టార్‌లింక్ ఉపగ్రహ ఇంటర్నెట్ డిజిటల్ విప్లవానికి మరింత ఊపునిస్తుంది. గ్రామీణ ప్రాంతాల్లో విద్య, ఆరోగ్యం, వ్యాపార రంగాల్లో ఇది గణనీయమైన మార్పులను తీసుకురానుంది.

Also Read : KTR Slams : మేడిగడ్డ బ్యారేజ్ పై ఎన్డిఎస్ఏ నివేదిక బూటకం