Sophie Devine : సోఫీ డివైన్ సెన్సేష‌న్ ఇన్నింగ్స్

Sophie Devine Sensation : మ‌హిళ‌ల ప్రీమియ‌ర్ లీగ్ టోర్నీలో సెన్సేష‌న్ ఇన్నింగ్స్ తో దుమ్ము రేపింది రాయ‌ల్ ఛాలెంజ‌ర్స్ బెంగ‌ళూరు (ఆర్సీబీ) జ‌ట్టు క్రికెట‌ర్ సోఫీ డివైన్. గుజ‌రాత్ జెయింట్స్ కు చుక్కలు చూపించింది. షాన్ దార్ ఇన్నింగ్స్ తో సత్తా చాటింది. ముందుగా బ్యాటింగ్ చేసిన గుజ‌రాత్ నిర్ణీత 20 ఓవ‌ర్ల‌లో 188 ర‌న్స్ చేసింది. ఒక ర‌కంగా భారీ స్కోర్. అనంత‌రం 189 ప‌రుగుల ల‌క్ష్యంతో మైదానంలోకి దిగిన రాయ‌ల్ ఛాలెంజ‌ర్స్ బెంగ‌ళూరు ఘ‌న విజ‌యాన్ని న‌మోదు చేసింది.

భార‌త క్రికెట్ జ‌ట్టు మాజీ కెప్టెన్ విరాట్ కోహ్లీ త‌మ జ‌ట్టుకు చెందిన మ‌హిళ‌ల‌కు హిత బోధ చేశారు. అది బాగా ప‌ని చేసిన‌ట్టుంది. ఆర్సీబీ జ‌ట్టు స్కిప్ప‌ర్ స్మృతీ మంధాన బాధ్యతాయుత‌మైన ఇన్నింగ్స్ ఆడింది. ఆమె 31 బంతులు ఎదుర్కొని 37 ర‌న్స్ చేసింది. ఇందులో 5 ఫోర్లు 1 సిక్స‌ర్ ఉన్నాయి. ఇక త‌నతో క‌లిసిన న్యూజిలాండ్ కు చెందిన క్రికెట‌ర్ సోఫీ డివైన్(Sophie Devine Sensation) గుజ‌రాత్ జెయింట్స్ కు చుక్క‌లు చూపించింది.

ఒక ర‌కంగా షాన్ దార్ ఇన్నింగ్స్ తో ఆక‌ట్టుకుంది. కేవ‌లం 36 బంతులు ఎదుర్కొంది. ఇందులో 9 ఫోర్లు 8 సిక్స‌ర్లు ఉన్నాయి. 99 ర‌న్స్ చేసింది. ఒక్క ప‌రుగుతో సెంచ‌రీకి దూర‌మైంది. కేవ‌లం 2 వికెట్లు మాత్ర‌మే కోల్పోయింది. 8 వికెట్ల తేడాతో గెలుపొందింది. ఇక పెర్రీ 12 బంతులు ఎదుర్కొని 3 ఫోర్లతో 19 ర‌న్స్ చేసింది. హీథ‌ర్ నైట్ 15 బంతులు ఎదుర్కొని 4 ఫోర్లతో 22 ర‌న్స్ చేసింది. దీంతో టోర్నీలో రెండో విజ‌యాన్ని న‌మోదు చేసింది. ప్లే ఆఫ్స్ కు చేరుకుంది.

Also Read : డివైన్ ధ‌నా ధ‌న్ ఆర్సీబీ విన్