Tilak Varma Offer : తిల‌క్ వ‌ర్మ‌కు బంప‌ర్ ఆఫ‌ర్

Tilak Varma Offer : ఐపీఎల్ పుణ్య‌మా అని ప‌లువురు ఆట‌గాళ్లు ఒక్క రోజులోనే హీరోలై పోతున్నారు. మ‌రికొంద‌రు కోట్ల‌ల్లో ధ‌ర‌కు ప‌లుకుతున్నారు. ఒక ర‌కంగా ఐపీఎల్ వ‌ల్ల దేశంలోని యువ‌, ఔత్సాహిక ఆట‌గాళ్ల‌కు ఒక వేదిక‌గా, అద్భుత అవ‌కాశాల గ‌నిగా మారింద‌న‌డంలో సందేహం లేదు. ఇక లీగ్ లో కొంద‌రు క్రికెట‌ర్లైతే దేశ వ్యాప్తంగా క్రేజ్ సంపాదించుకున్నారు.

అలాంటి వారిలో హైద‌రాబాద్ కు చెందిన తిల‌క్ వ‌ర్మ‌(Tilak Varma Offer). ఐపీఎల్ లో స్థిరంగా రాణిస్తున్నాడు. ఈ క్రికెట‌ర్ ఇప్ప‌టికే రిల‌య‌న్స్ గ్రూప్ ఓన్ చేసుకున్న ముంబై ఇండియ‌న్స్ జ‌ట్టులో భాగ‌స్వామిగా ఉన్నాడు. భార‌త క్రికెట్ జ‌ట్టు కెప్టెన్ రోహిత్ శ‌ర్మ కీల‌క వ్యాఖ్య‌లు చేశాడు తిల‌క్ వ‌ర్మ గురించి. అత‌డికి మంచి భ‌విష్య‌త్తు ఉంద‌న్నారు. త్వ‌ర‌లోనే భార‌త జ‌ట్టుకు ఎంపిక కావ‌డం ఖాయ‌మ‌ని జోష్యం చెప్పాడు.

ఈసారి ఐపీఎల్ లో ఇత‌ర కీల‌క ఆటగాళ్లు నిరాశ ప‌రిచినా ఎక్క‌డా త‌గ్గ‌లేదు జ‌ట్టులో కీల‌క‌మైన ఆట‌గాడిగా ప‌రుగులు సాధిస్తూ స‌త్తా చాటాడు తిల‌క్ వ‌ర్మ‌. ఆర్సీబీతో 84 ప‌రుగులు చేస్తే , చెన్నై పై 22 ర‌న్స్ తో ఆక‌ట్టుకున్నాడు. ఢిల్లీ క్యాపిట‌ల్స్ పై 41 ర‌న్స్ చేశాడు.

మొత్తం మూడు మ్యాచ్ ల్లో 147 ర‌న్స్ చేశాడు. తాజాగా రిల‌య‌న్స్ గ్రూప్ కీల‌క ప్ర‌క‌ట‌న చేసింది. తిల‌క్ వ‌ర్మ‌తో ఒప్పందం చేసుకున్న‌ట్లు ప్ర‌క‌టించింది. ఇక నుంచి రిల‌య‌న్స్ కు సంబంధించి ప్ర‌క‌ట‌న‌ల్లో కనిపించ‌నున్నాడు.

Also Read : నిన్న శాంస‌న్ నేడు పాండ్యాకు ఫైన్