Virat Kohli Ganguly : గంగూలీపై గుస్సా కోహ్లీ క‌న్నెర్ర
మాన‌ని గాయం షేక్ హ్యాండ్ ఇవ్వ‌ని వైనం
Virat Kohli Ganguly : ఐపీఎల్ 16వ సీజ‌న్ లో భాగంగా బెంగ‌ళూరు చిన్న‌స్వామి స్టేడియంలో జ‌రిగిన లీగ్ మ్యాచ్ లో ఆర్సీబీ ఢిల్లీ క్యాపిట‌ల్స్ పై 23 ప‌రుగుల తేడాతో గెలుపొందింది. ఈ మ్యాచ్ లో కోహ్లీ 50 ప‌రుగుల‌తో స‌త్తా చాటితే తొలి మ్యాచ్ లోనే అరంగేట్రం చేసిన వైశాఖ్ విజ‌య‌కుమార్ 4 ఓవ‌ర్లు వేసి 20 ర‌న్స్ ఇచ్చి 3 వికెట్లు తీశాడు.
ఇది ప‌క్క‌న పెడితే మ్యాచ్ లో భాగంగా హాఫ్ సెంచ‌రీ చేసిన స‌మ‌యంలో సీరియ‌స్ గా బ్యాట్ ఎత్తి చూపించాడు కోహ్లీ. మ‌రో వైపు గ్రౌండ్ లో ఢిల్లీ బ్యాట‌ర్ క్యాచ్ ప‌ట్టి కోపంగా గ్యాల‌రీలో కూర్చున్న గంగూలీ వైపు చూశాడు. ఆ త‌ర్వాత గెలుపొందిన అనంత‌రం ఇరు జ‌ట్లు క‌ర‌చాల‌నం చేస్తుండ‌గా గంగూలీ కోహ్లీకి షేక్ హ్యాండ్ ఇవ్వ‌కుండా వెళ్లి పోయాడు.
ప్ర‌స్తుతం ఇందుకు సంబంధించిన ఫోటోలు, వీడియోలు తెగ వైర‌ల్ అవుతున్నాయి నెట్టింట్లో. గ‌తంలో బీసీసీఐకి బాస్ గా ఉన్నాడు సౌర‌వ్ గంగూలీ. ఆ స‌మ‌యంలో విరాట్ కోహ్లీకి గంగూలీకి(Virat Kohli Ganguly) మ‌ధ్య తీవ్ర విభేదాలు వ‌చ్చాయి. బీసీసీఐ బాస్ పై సంచ‌ల‌న ఆరోప‌ణ‌లు చేశాడు. త‌ర్వాత కెప్టెన్సీ పోగొట్టుకున్నాడు.
అమ‌న్ హ‌కీమ్ ఖాన్ క్యాచ్ ప‌ట్టుకున్నాక కోహ్లీ గంగూలీపై ప‌దే ప‌దే కోపంగా చూడటం కనిపించింది. ఇది కూడా వైర‌ల్ గా మారింది. ఎంత గొప్ప ఆట‌గాళ్లు అయినా కోప‌తాపాల‌లో తాము సామాన్యుల‌మేన‌ని నిరూపించారు కోహ్లీ, గంగూలీ.
Also Read : సౌదీ క్రికెట్ లీగ్ లో మ‌నోళ్లు ఆడ‌రు