RCB vs KKR IPL 2023 : బెంగ‌ళూరు జోరు కోల్ క‌తా బేజారు

ఐపీఎల్ 16వ సీజ‌న్ లో మ‌రో కీల‌క మ్యాచ్ మంగ‌ళ‌వారం రాత్రి 7.30 గంట‌ల‌కు ప్రారంభం కానుంది. ఫాఫ్ డుప్లెసిస్ సార‌థ్యంలోని రాయ‌ల్ ఛాలెంజ‌ర్స్ బెంగ‌ళూరు నితీశ్ రాణా నేతృత్వంలోని కోల్ క‌తా నైట్ రైడ‌ర్స్ తో త‌ల‌ప‌డ‌నుంది. నువ్వా నేనా అన్న రీతిలో సాగే ఛాన్స్ ఎక్కువ‌గా ఉంది.

బెంగ‌ళూలోని చిన్న‌స్వామి స్టేడియంలో ఏప్రిల్ 23న జ‌రిగిన కీల‌క మ్యాచ్ ఆద్యంత‌మూ ఉత్కంఠ రేపింది. నువ్వా నేనా అన్న రీతిలో సాగిన ఈ పోరులో బెంగ‌ళూరు బ‌ల‌మైన రాజ‌స్థాన్ రాయ‌ల్స్ జ‌ట్టును కేవ‌లం 7 ప‌రుగుల తేడాతో ఓడించింది. త‌క్కువ స్కోర్ ఉన్న‌ప్ప‌టికీ ఎక్క‌డా త‌గ్గ‌లేదు. ప్రారంభంలో స్టార్ హిట్ట‌ర్ జోస్ బ‌ట్ల‌ర్ ను అద్భుత‌మైన స్వింగ్ తో మ‌హ్మ‌ద్ సిరాజ్ బౌల్డ్ చేశాడు.

ఆ త‌ర్వాత వ‌చ్చిన ప‌డిక్క‌ల్, జైశ్వాల్ క‌లిసి కీల‌క భాగ‌స్వామ్యాన్ని న‌మోదు చేశారు. కానీ ఫ‌లితం లేకుండా పోయింది. ఇంపాక్ట్ ప్లేయ‌ర్ గా వ‌చ్చిన హ‌ర్ష‌ల్ ప‌టేల్ తిప్పేశాడు. దీంతో గ్రాండ్ విక్ట‌రీ న‌మోదు చేసింది ఆర్సీబీ. ఇదే జోష్ ను కొన‌సాగించాల‌ని ఉవ్విళ్లూరుతోంది. ఇక కోల్ క‌తా నైట్ రైడర్స్ కు కోలుకోలేని షాక్ ఇచ్చింది ధోనీ సేన‌. ఏకంగా 235 ప‌రుగుల భారీ స్కోర్ చేసింది.

డేవాన్ కాన్వే , రుతురాజ్ గైక్వాడ్ చెలిరేగితే అజింక్యా ర‌హానే మార‌థాన్ ఇన్నింగ్స్ తో ఆక‌ట్టుకున్నాడు. ఇక శివ‌మ్ దూబే శివ‌మెత్తాడు. దీంతో 49 ప‌రుగుల తేడాతో ఓట‌మి పాలైంది కోల్ క‌తా నైట్ రైడ‌ర్స్. ఇక ఇరు జ‌ట్లు ఇప్ప‌టి వ‌ర‌కు 7 మ్యాచ్ లు ఆడితే బెంగ‌ళూరు 5 మ్యాచ్ ల‌లో గెలిస్తే కోల్ క‌తా 2 మ్యాచ్ ల‌లో మాత్ర‌మే విజ‌యం సాధించింది. ఇవాళ జ‌రిగే కీల‌క మ్యాచ్ పై ఉత్కంఠ నెల‌కొంది.