Axar Patel Meha Patel : నా స‌క్సెస్ కు కార‌ణం నా భార్య

ఐపీఎల్ 16వ సీజ‌న్ లో హాట్ టాపిక్ గా మారాడు స్టార్ ఆల్ రౌండ‌ర్ అక్ష‌ర్ ప‌టేల్. ప్ర‌స్తుతం ఆసిస్ స్టార్ డేవిడ్ వార్న‌ర్ సార‌థ్యంలోని ఢిల్లీ క్యాపిట‌ల్స్ కు ప్రాతినిధ్యం వ‌హిస్తున్నాడు ప‌టేల్. హైద‌రాబాద్ లోని రాజీవ్ గాంధీ ఇంట‌ర్నేష‌న‌ల్ స్టేడియంలో స‌న్ రైజ‌ర్స్ హైద‌రాబాద్ తో జ‌రిగిన మ్యాచ్ లో ఘ‌న విజ‌యాన్ని సాధించింది. ఈ గెలుపులో అక్ష‌ర్ ప‌టేల్ కీల‌క పాత్ర పోషించాడు.

త‌క్కువ స్కోర్ కే హైద‌రాబాద్ బౌల‌ర్లు ప‌రిమితం చేసినా తట్టుకుని నిల‌బడ్డాడు అక్ష‌ర్ ప‌టేల్. ఓ వైపు వికెట్లు కోల్పోతున్నా మ‌రో వైపు 34 కీల‌క‌మైన ప‌రుగులు చేశాడు. అంతే కాదు ప్ర‌త్య‌ర్థి జ‌ట్టు స‌న్ రైజ‌ర్స్ హైద‌రాబాద్ ను త‌న అద్భుత‌మైన బౌలింగ్ తో క‌ట్టుదిట్టం చేశాడు. బ్యాట‌ర్ల‌ను ముప్పు తిప్ప‌లు పెట్టాడు.

దీంతో ఎస్ ఆర్ హెచ్ పై 7 ప‌రుగుల తేడాతో ఢిల్లీ క్యాపిట‌ల్స్ గ్రాండ్ విక్ట‌రీని న‌మోదు చేసింది. చివ‌రి ఓవ‌ర్ వ‌ర‌కు ఉత్కంఠ భ‌రితంగా సాగింది. ఈ సంద‌ర్భంగా మ్యాచ్ అనంత‌రం అక్ష‌ర్ ప‌టేల్ మీడియాతో మాట్లాడాడు. త‌న స‌క్సెస్ వెనుక తాను కాద‌ని త‌న భార్య మెహా ఉందంటూ, ఆమె త‌న ల‌క్ అని కితాబు ఇచ్చాడు. ప్ర‌స్తుతం అక్ష‌ర్ ప‌టేల్ చేసిన వ్యాఖ్య‌లు సోష‌ల్ మీడియాలో హ‌ల్ చ‌ల్ చేస్తున్నాయి. ఫోటోలు వైర‌ల్ గా మారాయి.