RCB vs KKR IPL 2023 : చెల‌రేగిన జేస‌న్..రాణా సెన్సేష‌న్

RCB vs KKR IPL 2023 : ఐపీఎల్ 16వ సీజ‌న్ లో భాగంగా జ‌రిగిన కీల‌క మ్యాచ్ లో నితీశ్ రాణా సార‌థ్యంలోని కోల్ క‌తా నైట్ రైడ‌ర్స్ ముందుగా బ్యాటింగ్ చేసింది. నిర్ణీత 20 ఓవ‌ర్ల‌లో 5 వికెట్లు కోల్పోయి 200 ప‌రుగులు చేసింది.

రాయ‌ల్ ఛాలెంజ‌ర్స్ బెంగ‌ళూరు బౌల‌ర్ల‌కు చుక్క‌లు చూపించారు కోల్ క‌తా(RCB vs KKR IPL 2023) బ్యాట‌ర్లు. జేస‌న్ రాయ్ ఆకాశ‌మే హ‌ద్దుగా చెల‌రేగాడు. 29 బంతులు మాత్ర‌మే ఎదుర్కొన్న జేస‌న్ 56 ర‌న్స్ చేశాడు. ఇందులో 4 ఫోర్లు 5 సిక్స‌ర్లు ఉన్నాయి. ఇక కెప్టెన్ నితీశ్ రానా రెచ్చి పోయాడు. 21 బాల్స్ ఎదుర్కొని 48 ర‌న్స్ చేశాడు. ఇందులో 3 ఫోర్లు 4 సిక్స‌ర్లు ఉన్నాయి.

ఆ త‌ర్వాత వ‌చ్చిన వెంక‌టేశ్ అయ్యార్ 31 ర‌న్స్ చేస్తే జ‌గ‌దీశ‌న్ 27 ప‌రుగుల‌తో ఆక‌ట్టుకున్నాడు. చివ‌ర‌న వ‌చ్చిన రింకూ సింగ్ దుమ్ము రేపాడు. 18 ప‌రుగులు చేసి నాటౌట్ గా నిలిచాడు. ఇక జేస‌న్ రాయ్ కి ఇది వ‌రుస‌గా రెండో హాఫ్ సెంచ‌రీ కావ‌డం విశేషం. విచిత్రం ఏమిటంటే ఆర్సీబీ బౌల‌ర్ షాబాజ్ అహ్మ‌ద్ కు షాక్ ఇచ్చాడు. ఆర‌వ ఓవ‌ర్ లో ఏకంగా నాలుగు సిక్స‌ర్లు కొట్టాడు. ఈ ఒక్క ఓవ‌ర్ లోనే 24 ర‌న్స్ వ‌చ్చాయి. హైద‌రాబాద్ స్టార్ బౌల‌ర్ సిరాజ్ కు చుక్క‌లు చూపించాడు రింకూ సింగ్ .

క‌ళ్లు చెదిరే సిక్స్ , ఫోర్ వ‌రుస‌గా బాదాడు. అనంత‌రం బ‌రిలోకి దిన ఆర్సీబీ సైతం ప‌రుగుల వ‌ర‌ద పారిస్తోంది. ఇక లీగ్ లో ఇరు జ‌ట్ల‌కు ఈ మ్యాచ్ అత్యంత కీల‌కం. పాయింట్ల ప‌ట్టిక‌లో ధోనీ సేన టాప్ లో కొన‌సాగుతోంది. ఇక గుజ‌రాత్ టైటాన్స్ త‌న జైత్ర యాత్ర‌ర కొన‌సాగిస్తోంది. మ‌రో వైపు కీల‌క మ్యాచ్ రాజ‌స్థాన్ రాయ‌ల్స్ , చెన్నై సూప‌ర్ కింగ్స్ మ‌ధ్య ఆస‌క్తిక‌ర పోరు కొన‌సాగ‌నుంది.

Also Read : ప్లే ఆఫ్ రేస్ లో నువ్వా నేనా