CSK vs RR IPL 2023 : చెన్నై చెల‌రేగేనా రాజ‌స్థాన్ ర‌ఫ్పాడించేనా

CSK vs RR IPL 2023 : జార్ఖండ్ డైన‌మెట్ మ‌హేంద్ర సింగ్ ధోనీ సార‌థ్యంలోని చెన్నై సూప‌ర్ కింగ్స్ కేర‌ళ స్టార్ సంజూ శాంస‌న్ నాయ‌క‌త్వంలోని రాజ‌స్థాన్ రాయ‌ల్స్ గురువారం త‌ల‌ప‌డ‌నున్నాయి. ఇరు జ‌ట్లు అటు బ్యాటింగ్ లో ఇటు బౌలింగ్ లో స‌మ ఉజ్జీలుగా ఉన్నాయి. మైదానంలోకి దిగితే కానీ ఎవ‌రు గెలుస్తారో చెప్ప‌లేని ప‌రిస్థితి.

ప్రారంభంలో అనూహ్యంగా ఓట‌మి పాలైన సీఎస్కే(CSK vs RR IPL 2023)  ఆ త‌ర్వాత పుంజుకుంది. ఐపీఎల్ లీగ్ జాబితాలో టాప్ లో నిలిచింది చెన్నై. ఇక రాజ‌స్థాన్ పాయింట్ల ప‌ట్టిక‌లో మూడో స్థానంలో కొన‌సాగుతోంది. గుజ‌రాత్ టైటాన్స్ రెండో ప్లేస్ కు చేరుకుంది. ప్లే ఆఫ్స్ కు ఎవ‌రు చేరుతార‌నే దానిపై ఫ్యాన్స్ తెగ ఆందోళ‌న‌కు గుర‌వుతున్నారు. మొత్తంగా ఇవాళ జ‌రిగే మ్యాచ్ మాత్రం ఆద్యంత‌మూ ర‌స‌వ‌త్త‌రంగా మార‌బోతుంద‌నేది వాస్త‌వం.

జైపూర్ లోని స‌వాయ్ మాన్ సింగ్ మైదానంలో చైన్నై, రాజ‌స్థాన్ త‌ల‌ప‌డ‌నున్నాయి. రాత్రి 7.30 గంట‌ల‌కు మ్యాచ్ స్టార్ట్ అవుతుంది. ఇప్ప‌టి దాకా చెన్నై 15 సార్లు గెలుపొందితే రాజ‌స్థాన్ 13 సార్లు విజ‌యం సాధించింది.

జ‌ట్ల ప‌రంగా చూస్తే చెన్నై కింగ్స్ జ‌ట్టులో రుతురాజ్ , డెవాన్ కాన్వే , ర‌హానే, మొయిన్ అలీ, రాయుడు, శివ‌మ్ దూబే, జ‌డేజా, ధోనీ (కెప్టెన్ ), ప‌తిరానా , దేష్ పాండే, మ‌హేశ్ తీక్ష‌ణ ఆడ‌తారు.

ఇక రాజ‌స్థాన్ రాయ‌ల్స్ జ‌ట్టులో జోస్ బ‌ట్ల‌ర్ , జైశ్వాల్ , సంజూ శాంస‌న్ (కెప్టెన్ ) , ప‌డిక్క‌ల్ , హెట్మెయ‌ర్ , ధ్రువ్ జురెల్ , ర‌విచంద్ర‌న్ అశ్విన్ , ట్రెంట్ బౌల్ట్, హోల్డ‌ర్ , చాహ‌ల్ ఉన్నారు.

Also Read : కోల్‌కతా భ‌ళా బెంగ‌ళూరు బోల్తా