Virat Kohli RCB Loss : కోల్ క‌తా బౌల‌ర్ల వ‌ల్లే ఓడి పోయాం

Virat Kohli RCB Loss : రాయ‌ల్ ఛాలెంజ‌ర్స్ స్టాండ్ ఇన్ కెప్టెన్ విరాట్ కోహ్లీ ఆస‌క్తిక‌ర వ్యాఖ్య‌లు చేశాడు. ఐపీఎల్ 16వ సీజ‌న్ లో భాగంగా బెంగ‌ళూరు లోని చిన్న స్వామి స్టేడియంలో జ‌రిగిన లీగ్ మ్యాచ్ లో 21 ప‌రుగుల తేడాతో కోల్ క‌తా నైట్ రైడ‌ర్స్ చేతిలో ఓటమి పాలైంది. ముందుగా బ్యాటింగ్ చేసిన కేకేఆర్ నిర్ణీత 20 ఓవ‌ర్ల‌లో 5 వికెట్లు కోల్పోయి 200 ప‌రుగులు చేసింది.

అనంత‌రం బ‌రిలోకి దిగిన బెంగ‌ళూరు 178 ప‌రుగుల‌కే చాప చుట్టేసింది. స్టాండ్ ఇన్ స్కిప్ప‌ర్ గా వ్య‌వ‌హ‌రించిన విరాట్ కోహ్లీ(Virat Kohli RCB Loss) అద్భుతంగా ఆడినా ఫ‌లితం లేక పోయింది. ఆర్సీబీలో కోహ్లీ తో పాటు దినేష్ కార్తీక్ ఒక్క‌డే రాణించాడు. మిగ‌తా వారు ఎవ‌రూ ఆడ‌లేక పోయారు. కోహ్లీ 34 బంతులు ఎదుర్కొని 56 ర‌న్స్ చేస్తే కార్తీక్ 22 ప‌రుగులు చేశాడు.

ఇక కోల్ క‌తా బౌల‌ర్లు వ‌రుణ్ చ‌క్ర‌వ‌ర్తి 3 వికెట్లు తీస్తే , సూయ‌స్ శ‌ర్మ 2 , ఆండ్రీ ర‌స్సెల్ 2 వికెట్లు తీసి బెంగ‌ళూరు ప‌త‌నాన్ని శాసించారు. మ్య‌చ్ ఓట‌మి అనంత‌రం విరాట్ కోహ్లీ మీడియాతో మాట్లాడారు. కోల్ కతా బౌల‌ర్లు అద్భుతంగా బౌలింగ్ చేశారని, వారి వ‌ల్ల‌నే తాము ఓడి పోయామ‌ని చెప్పారు. ప్లే ఆఫ్ కు చేరుకుంటారా అన్న ప్ర‌శ్న‌కు స‌మాధానం ఇస్తూ దాని పైనే ఫోక‌స్ పెట్టామ‌న్నారు ర‌న్ మెషీన్.

Also Read : ప్లే ఆఫ్ రేస్ లో నువ్వా నేనా