CSK vs PBKS IPL 2023 : చెన్నై పంజాబ్ నువ్వా నేనా

CSK vs PBKS IPL 2023 : ఐపీఎల్ 16వ సీజ‌న్ లో మ‌హేంద్ర సింగ్ ధోనీ సార‌థ్యంలోని చెన్నై సూప‌ర్ కింగ్స్(CSK vs PBKS IPL 2023) శిఖ‌ర్ ధావ‌న్ నాయ‌క‌త్వంలోని పంజాబ్ కింగ్స్ ఎలెవ‌న్ మ‌ధ్య కీల‌క‌మైన మ్యాచ్ జ‌ర‌గ‌నుంది. లీగ్ లో పాయింట్ల ప‌ట్టిక‌లో టాప్ లో కొన‌సాగుతోంది సీఎస్కే. ఇక పంజాబ్ టీమ్ ప‌డుతూ లేస్తోంది. ప్లే ఆఫ్ కు ఎవ‌రు చేరుకుంటార‌నేది కీల‌కంగా మార‌నుంది.

చెన్నై లోని పి.చిదంబ‌రం స్టేడియంలో లీగ్ మ్యాచ్ జ‌ర‌గ‌నుంది. చెన్నై అటు బౌలింగ్ లో ఇటు బ్యాటింగ్ లో దుమ్ము రేపుతోంది. ఇప్ప‌టి దాకా సీఎస్కే 8 మ్యాచ్ లు ఆడింది 5 మ్యాచ్ ల‌లో గెలుపొందింది. 3 మ్యాచ్ ల‌లో ఓట‌మి పాలైంది. పంజాబ్ కింగ్స్ ఎలెవన్ 8 మ్యాచ్ లు ఆడితే 4 మ్యాచ్ ల‌లో విజ‌యం సాధించి మ‌రో నాలుగింట్లో ఓడి పోయింది. ప్ర‌స్తుతం 8వ స్థానంలో కొన‌సాగుతోంది.

కోల్ క‌తా నైట్ రైడ‌ర్స్ పై గ్రాండ్ విక్ట‌రీతో గుజ‌రాత్ టైటాన్స్ టాప్ లో నిలిస్తే రాజ‌స్థాన్ రాయ‌ల్స్ రెండో స్థానంతో నిలిచింది. ల‌క్నో 3వ ప్లేస్ లో ఉంటే 4వ స్థానంలో చెన్నై సూప‌ర్ కింగ్స్ తో స‌రి పెట్టుకుంది. ఇక చెన్నైలో చెన్నై మీద గెల‌వ‌డం ఏ జ‌ట్టుకు సాధ్యం కాదు. ఇవాళ ఏదో అద్భుతం జ‌రిగితే త‌ప్పా పంజాబ్ కింగ్స్ గెల‌వ‌డం క‌ష్టం.

చెన్నై బ్యాట‌ర్లు దంచి కొడుతున్నారు. అద్భుత‌మైన షాట్స్ తో ఆక‌ట్టుకుంటున్నారు. డేవిన్ కాన్వే , అజింక్యా ర‌హానే, రుతురాజ్ గైక్వాడ్ , ర‌వీంద్ర జ‌డేజా కీల‌కంగా మారారు.

Also Read : గుజ‌రాత్ భ‌ర‌తం ప‌ట్టిన గుర్బాజ్