Kavya Maran SRH Loss : సేమ్ సీన్ ‘పాప’ ప‌రేషాన్
హైద‌రాబాద్ వ‌రుస ఓట‌మి
Kavya Maran SRH Loss : ఐపీఎల్ 16వ సీజ‌న్ లో స‌న్ రైజ‌ర్స్ హైద‌రాబాద్ ప‌రాజ‌య ప‌రంప‌ర కొన‌సాగుతోంది. కేవ‌లం 3 మ్యాచ్ ల‌లో మాత్ర‌మే గెలుపొందింది. పేల‌వ‌మైన ప్ర‌ద‌ర్శ‌న‌తో నిరాశ ప‌రిచింది. గెలుపు వాకిట్లో బోల్తా ప‌డింది. ప్లే ఆఫ్ ఆశ‌లకు గండి ప‌డింది. కోట్లాది రూపాయ‌లు పోసి ఆట‌గాళ్ల‌ను కొనుగోలు చేసినా ఆశించినంత మేర రాణించక పోవ‌డం ఆ జ‌ట్టు య‌జ‌మాని , సిఇఓ కావ్య మార‌న్ ను(Kavya Maran SRH Loss) తీవ్ర వేధిస్తోంది.
ఈసారి జ‌రిగిన మినీ వేలం పాట‌లో భారీ ధ‌ర‌కు కొనుగోలు చేసింది మ‌యాంక్ అగ‌ర్వాల్ , హ్యారీ బ్రూక్ ను . టోర్నీలో బ్రూక్ సెంచ‌రీతో దుమ్ము లేపినా ఆ త‌ర్వాత ఆశించిన మేర రాణించ లేదు. ఇక జ‌ట్టు కెప్టెన్ గా ఐడెన్ మార్క్రామ్ అస‌లైన స‌మ‌యంలో స‌త్తా చాటినా చివ‌రి వ‌ర‌కు ఉండ‌లేక పోయాడు. దీంతో హైద‌రాబాద్ 6 ప‌రుగుల తేడాతో ఓట‌మి పాలైంది. స్వంత మైదానంలో ప్రేక్ష‌కుల మ‌ద్ద‌తు ఉన్నా చివ‌ర‌కు కోల్ క‌తా బౌల‌ర్ వ‌రుణ్ చ‌క్ర‌వ‌ర్తి మ్యాజిక్ కు మ్యాచ్ ను పోగొట్టుకుంది.
జ‌ట్టు హెడ్ కోచ్ గా దిగ్గ‌జ క్రికెట‌ర్ బ్రియాన్ లారా ను ఎంపిక చేసినా ఫ‌లితం లేక పోయింది. జ‌ట్టు ఆట తీరులో ఎలాంటి మార్పు రాక పోగా ఉన్న‌ట్టుండి మ్యాచ్ ల‌ను చేజేతులారా కోల్పోవ‌డం ఒకింత ఆశ్చ‌ర్యానికి లోను చేస్తోంది. ఇక జ‌ట్టు య‌జ‌మాని కావ్య మార‌న్ మ‌రోసారి వైర‌ల్ గా మారారు. ఆమెకు ఐపీఎల్ లో అత్య‌ధికంగా అభిమానులు ఉన్నారు.
ఆమె ఏం చేసినా క్ష‌ణాల్లో నెట్టింట్లో ఫోటోలు, వీడియోలు షేర్ అవుతాయి. తాజాగా త‌న జ‌ట్టు ఓడి పోవ‌డంతో క‌న‌బ‌ర్చిన హావ‌భావాలు ఇప్పుడు చ‌ర్చ‌కు దారితీశాయి. అయ్యో పాపకు ఎంత క‌ష్టం వ‌చ్చింద‌ని ఫ్యాన్స్ వాపోతున్నారు.
Also Read : కోహ్లీని క‌లిసిన ఫ్రెంచ్ రాయ‌బారి