Trent Boult Stunning Catch : ట్రెంట్ బౌల్ట్ స్ట‌న్నింగ్ క్యాచ్

Trent Boult Stunning Catch : ఐపీఎల్ లీగ్ మ్యాచ్ లో భాగంగా ధ‌ర్మ‌శాల‌లో పంజాబ్ కింగ్స్ తో జ‌రిగిన మ్యాచ్ లో అద్భుత‌మైన స‌న్నివేశం చోటు చేసుకుంది. టాస్ గెలిచిన శాంస‌న్ ఫీల్డింగ్ ఎంచుకున్నాడు. దీంతో బ‌రిలోకి దిగిన పంజాబ్ కింగ్స్ కు చుక్కలు చూపించాడు రాజ‌స్థాన్ బౌల‌ర్ ట్రెంట్ బౌల్ట్(Trent Boult). క‌ళ్లు చెదిరే బంతుల్ని విసిరి ముప్పు తిప్ప‌లు పెట్టాడు.

ఇదే స‌మ‌యంలో ఓపెన‌ర్ ప్ర‌భ‌సిమ్రాన్ సింగ్ బౌల్ట్ విసిరిన బంతిని ఫోర్ కొడ‌దామ‌ని ట్రై చేశాడు. కానీ ఊహించ‌ని రీతిలో ఆ బాల్ ను ఒంటి చేత్తో ఒడిసి ప‌ట్టుకున్నాడు. దీంతో సింగ్ కు కోలుకోలేని షాక్ ఇచ్చాడు. దీంతో ఇన్నింగ్స్ రెండో బంతికి సింగ్ 2 ప‌రుగుల వ‌ద్ద ఔట్ అయ్యాడు. బౌల్ట్ ఆ బంతిని ఫుల్ లెంగ్త్ ఇన్ స్వింగ‌ర్ ను వేశాడు. చివ‌ర‌కు నిరాశ‌గా పెవిలియ‌న్ దారి ప‌ట్టాడు. ఈ మ్యాచ్ లో బౌల్ట్ అందుకున్న క్యాచ్ హైలెట్ గా నిలిచింది. మొత్తం టోర్నీలో అత్యుత్త‌మ‌మైన క్యాచ్ ల‌లో కూడా ఇది చేరింది.

ఇక మ్యాచ్ విష‌యానికి వ‌స్తే నిర్ణీత 20 ఓవ‌ర్ల‌లో పంజాబ్ కింగ్స్ ఎలెవ‌న్ 187 ర‌న్స్ చేసింది 5 వికెట్లు కోల్పోయి. అనంత‌రం రాజ‌స్థాన్ రాయ‌ల్స్ 6 వికెట్లు కోల్పోయి 188 ర‌న్స్ చేసింది. ప‌డిక్క‌ల్ 51 ర‌న్స్ చేస్తే య‌శ‌స్వి జైస్వాల్ 50, షిమ్రాన్ హెట్మెయ‌ర్ 46 ర‌న్స్ తో రాణించారు. ఆఖ‌రులో ధ్రువ్ జురైల్ సిక్స‌ర్ కొట్టి రాజ‌స్థాన్ ను గెలిపించాడు. మ్యాచ్ విన్న‌ర్ గా మారాడు.

Also Read : Dhruv Jurail