DC vs CSK IPL 2023 : చెన్నైకింగ్స్ వ‌ర్సెస్ ఢిల్లీ క్యాపిట‌ల్స్
లీగ్ లో ఆఖ‌రి పోరాటానికి సిద్దం
DC vs CSK IPL 2023 : ఐపీఎల్ 16వ సీజ‌న్ లో కీల‌క‌మైన లీగ్ మ్యాచ్ జ‌ర‌గ‌నుంది మ‌హేంద్ర సింగ్ ధోనీ సార‌థ్యంలోని చెన్నై సూప‌ర్ కింగ్స్ , డేవిడ్ వార్న‌ర్ నేతృత్వంలోని ఢిల్లీ క్యాపిట‌ల్స్(DC vs CSK IPL 2023). ఇప్ప‌టికే ప్లే ఆఫ్ నుంచి నిస్క్ర‌మించింది ఢిల్లీ. కానీ ఆఖ‌రి మ్యాచ్ లో ఎలాగైనా స‌రే చెన్నైకి షాక్ ఇవ్వాల‌ని , పోయిన ప‌రువు కాపాడు కోవాల‌ని కృత నిశ్చ‌యంతో ఉంది. బ్యాటింగ్ ప‌రంగా బ‌లంగా ఉంది ఢిల్లీ. ఇక బౌలింగ్ ప‌రంగా రాణిస్తున్నా చెన్నైని ఢీ కోవాలంటే చాలా క‌ష్ట‌ప‌డాల్సి ఉంటుంది.
ఇక ధోనీ సేన ప్లే ఆఫ్ రేసులో నిల‌వాలంటే త‌ప్ప‌నిస‌రిగా ఈ మ్యాచ్ ను కైవ‌సం చేసుకోవాల్సిన ప‌రిస్థితి నెల‌కొంది. ఇప్ప‌టికే గుజ‌రాత్ టైటాన్స్ పాయింట్ల ప‌ట్టిక‌లో టాప్ లో నిలిచింది. అన్ని జ‌ట్ల‌కు ఒక్కో మ్యాచ్ చొప్పున ఉన్నాయి. ఆర్సీబీ హార్దిక్ పాండ్యా సేన‌తో త‌ల‌ప‌డాల్సి ఉంది. ఇవాళ మ‌రో కీల‌క మ్యాచ్ కు వేదిక కానుంది. కోల్ క‌తా నైట్ రైడ‌ర్స్ , ల‌క్నో సూప‌ర్ జెయింట్స్ మ‌ధ్య.
పాయింట్స్ టేబుల్ లో గుజ‌రాత్, చెన్నై, ల‌క్నో , రాయ‌ల్ ఛాలెంజ‌ర్స్ బెంగ‌ళూరు ఉన్నాయి. గుజ‌రాత్ కు,ఆర్సీబీకి ఇదే ఆఖ‌రి మ్యాచ్. ఇక ల‌క్నో నిల‌వాలంటే కోల్ క‌తాపై త‌ప్ప‌క గెల‌వాల్సిన ప‌రిస్థితి ఏర్ప‌డింది. ఏది ఏమైనా ధోనీ సేన గెలుస్తుందా లేక వార్న‌ర్ సైన్యం దంచి కొడుతుందా వేచి చూడాలి.
Also Read : Trent Boult Stunning Catch