Aasia Begum Auto driver : ఆసియా బేగం ఆటో డ్రైవ‌ర్
హైద‌రాబాద్ లో అరుదైన దృశ్యం
Aasia Begum Auto driver : ఎవ‌రైనా డ్రైవింగ్ చేయాలంటే చాలా ఇబ్బంది ప‌డ‌తారు. ముఖ్యంగా హైద‌రాబాద్ లాంటి మ‌హాన‌గ‌రంలోని పాత బ‌స్తీలో డ్రైవింగ్ అనేది ఓ యుద్దం లాంటింది. నిత్యం ర‌ద్దీగా ఉండే ఈ ప్రాంతంలో ఓ సంప్ర‌దాయ ముస్లిం కుటుంబానికి చెందిన మ‌హిళ బుర‌ఖా(Aasia Begum Auto Driver) ధ‌రించి ఆటో డ్రైవింగ్ చేయ‌డం ఇప్పుడు హాట్ టాపిక్ గా మారింది. కాలం మారింది, టెక్నాల‌జీ కొత్త పుంత‌లు తొక్కుతోంది. ప్ర‌తిదీ మొబైల్ లో ప్ర‌త్య‌క్షం అవుతోంది.
ఈ త‌రుణంలో బ‌తుకు దెరువు అనేది ఇబ్బందిగా మారినా ఉపాధికి ఢోకా లేకుండా పోయింది. త‌న కుటుంబాన్ని పోషించు కునేందుకు గౌర‌వ ప్ర‌ద‌మైన ఏ వృత్తి అయినా త‌ప్పు లేదంటోంది ఆసియా బేగం. ఆమె త‌న సామాజిక వ‌ర్గానికి, ముఖ్యంగా పేద, మ‌ధ్య త‌ర‌గ‌తి ముస్లిం మ‌హిళ‌ల‌కు ఆద‌ర్శ ప్రాయంగా నిలుస్తోంది.
ప్ర‌స్తుతం ఆసియా బేగం ప్ర‌యాణీకుల‌ను ఎక్కించుకుని స్వంతంగా తానే ఆటో డ్రైవింగ్ చేసుకుంటూ వెళుతున్న ఫోటోలు, వీడియో ఇప్పుడు సోష‌ల్ మీడియాలో వైర‌ల్ గా మారింది. ఈ అసాధార‌ణ దృశ్యం ప్ర‌తి ఒక్క‌రినీ ఆక‌ట్టుకుంటోంది. ఊసురుమ‌ని కూర్చుని, నిత్యం సెల్ ఫోన్ల‌లో ఛాటింగ్ , చీటింగ్ చేస్తూ విలువైన కాలాన్ని చేజార్చుకుంటున్న యువ‌త ఆసియా బేగంను చూసి నేర్చు కోవాల్సింది ఎంతో ఉందంటున్నారు న‌గ‌ర వాసులు.
ఇదిలా ఉండ‌గా త‌న కాళ్ల మీద తాను నిల‌బ‌డాల‌న్న‌దే త‌న ఉద్దేశ‌మ‌ని చెప్పారు ఆసియా బేగం. ఇలాంటి ఔత్సాహికుల‌కు, పేద మ‌హిళ‌ల‌కు దారుస్స‌లాంలో శిక్ష‌ణ ఇస్తారు. ఇందులోనే ఆసియా బేగం ఆటో డ్రైవింగ్ లో శిక్ష‌ణ పొందింది. యావ‌త్ తెలంగాణ స‌మాజం ఆమెను చూసి విస్తు పోతోంది.
Also Read : Shatrughan Sinha : అద్భుతం చేయ‌బోతున్న విప‌క్షాల కూట‌మి