Actor Gopichand : విల‌క్ష‌ణ న‌టుడు గోపీచంద్

Actor Gopichand : యాక్ష‌న్, మాకో స్టార్ గా పేరు పొందిన గోపీచంద్ పుట్టిన రోజు జూన్ 12. ఆయ‌న పూర్తి పేరు తొట్టెంపూడి గోపీచంద్. 1979లో ఏపీలోని కాక‌టూరివారిపాలెంలో పుట్టాడు. ఆయ‌న వ‌య‌సు 43 ఏళ్లు. భార్య రేష్మ‌. ఇద్ద‌రు పిల్లలు. తండ్రి టి.కృష్ణ అద్భుత‌మైన ద‌ర్శ‌కుడు. అర్ధ‌రాత్రి స్వ‌తంత్రం సినిమా తెలుగు సినిమా రంగాన్ని ఒక ఊపు ఊపింది. కానీ త‌క్కువ కాలంలోనే ఆయ‌న క‌న్నుమూశారు. ఆ త‌ర్వాత కొడుకుగా టి. గోపీచంద్ త‌న‌కంటూ ఓ స్పెష‌ల్ ఇమేజ్ ను స్వంతం చేసుకున్నారు. ప్రేక్ష‌కుల ముందుకు కేవ‌లం ఎంపిక చేసిన పాత్ర‌ల ద్వారా వ‌చ్చారు గోపీచంద్(Gopichand).

2001లో త‌న సినీ కెరీర్ ఆరంభించారు. తొలి వ‌ల‌పు సినిమాలో ప్ర‌ధాన పాత్ర‌లో న‌టించాడు. 2002లో జ‌యం, 2003లో నిజం, 2004లో వ‌ర్షం చిత్రాల‌లో న‌టించి మెప్పించాడు. 2004 లో వ‌చ్చిన య‌జ్ఞం భారీ విజ‌యాన్ని చేకూర్చి పెట్టింది. అందులో టి. గోపీచంద్ న‌ట‌న‌కు మంచి మార్కులు ప‌డ్డాయి.

2005లో ఆంధ్రుడు, 2006లో ర‌ణం, 2007లో ల‌క్ష్యం, 2008లో శౌర్యం, 2010లో గోలీమార్ , 2013లో సాహ‌సం, 2014లో లౌక్యం, 2015లో జిల్ , 2021లో సిటీ మార్ , 2022లో ప‌క్కా క‌మ‌ర్షియ‌ల్ సినిమాల‌లో న‌టించాడు టి. గోపీచంద్. ఇంజ‌నీరింగ్ పూర్తి చేసిన గోపీచంద్ తండ్రి మ‌ర‌ణం త‌ర్వాత సినీ రంగంలోకి ఎంట్రీ ఇచ్చాడు. ఇదిలా ఉండగా టి . గోపీచంద్ పుట్టిన రోజు సంద‌ర్భంగా సినీ ప్ర‌ముఖులు ఆయ‌న‌కు అభినంద‌న‌లు తెలిపారు.

Also Read : Tirumala Devotees : రికార్డు స్థాయిలో భ‌క్తుల ద‌ర్శ‌నం