CM Siddaramaiah : సీఎం సారూ స‌ల్లంగుండాల
సిద్ద‌రామ‌య్య‌కు మ‌హిళ‌లు జేజేలు
CM Siddaramaiah : క‌ర్ణాట‌క‌లో కొలువు తీరిన కాంగ్రెస్ ప్ర‌భుత్వం త‌ను ఇచ్చిన మాట ప్ర‌కారం హామీల‌ను నెర‌వేర్చే ప‌నిలో ప‌డింది. సీఎం సిద్ద‌రామ‌య్య(CM Siddaramaiah), డిప్యూటీ సీఎం డీకే శివ‌కుమార్ మ‌హిళ‌ల‌కు ఉచిత బ‌స్సు ప్ర‌యాణానికి సంబంధించి తీసుకు వ‌చ్చిన శ‌క్తి స్మార్ట్ కార్డ్ ప‌థ‌కాన్ని ప్రారంభించారు. ఈ సంద‌ర్బంగా మొద‌టి టికెట్ ను క‌ర్ణాట‌క చీఫ్ సెక్ర‌ట‌రీకి అంద‌జేశారు సీఎం, డిప్యూటీ సీఎం.
అనంత‌రం ఆర్టీసీ బ‌స్సులో ప్ర‌యాణం చేశారు ఇద్ద‌రూ. త‌మ‌ను గుర్తించి ఉచితంగా బ‌స్సు ప్ర‌యాణం చేసే అవ‌కాశం క‌ల్పించినందుకు సీఎంకు ధ‌న్య‌వాదాలు తెలిపారు మ‌హిళ‌లు. ఈ మేర‌కు సీఎం సారూ నువ్వు స‌ల్లంగుండాల అంటూ కోరారు. ప్ర‌స్తుతం ఇందుకు సంబంధించిన ఫోటోలు, వీడియోలు నెట్టింట్లో హ‌ల్ చ‌ల్ చేస్తున్నాయి.
ప్ర‌తి ఒక్క‌రు ప్ర‌భుత్వ వెబ్ సైట్ లో ఉచిత బ‌స్సు ప్ర‌యాణం పొందాలంటే స్మార్ట్ కార్డు కోసం ద‌ర‌ఖాస్తు చేసుకోవాల్సి ఉంటుంది. ఒక‌వేళ లేక పోతే త‌మ‌కు సంబంధించిన ఏదేని ప్ర‌భుత్వ గుర్తింపు కార్డును బ‌స్సుల‌లో ప్ర‌యాణం చేసేట‌ప్పుడు చూపించాల‌ని స్ప‌ష్టం చేశారు సీఎం సిద్ద‌రామ‌య్య.
ఇదిలా ఉండ‌గా తాజాగా రాష్ట్రంలో జ‌రిగిన ఎన్నిక‌ల సంద‌ర్భంగా కాంగ్రెస్ పార్టీ 5 గ్యారెంటీ హ‌మీల‌ను ప్ర‌క‌టించింది. అందులో మ‌హిళా సాధికార‌త కోసం మ‌హిళ‌లు, విద్యార్థుల కోసం ఉచితంగా బ‌స్సు ప్ర‌యాణం. ప్ర‌స్తుతం ఇది ఓ సంచ‌ల‌నంగా మారింది.
Also Read : Bhatti Vikramarka : అవినీతి పాల‌న‌ను పాత‌రేద్దాం – భ‌ట్టి