Project K Movie : ప్రాజెక్టు కె మూవీపై ఉత్కంఠ
శ‌ర‌వేగంగా షూటింగ్ ప్రారంభం
Project K Movie : మ‌హాన‌టితో దేశ వ్యాప్తంగా పేరు పొందిన ద‌ర్శ‌కుడు నాగ్ అశ్విన్ ద‌ర్శ‌క‌త్వంలో వ‌స్తున్న బిగ్ ప్రాజెక్టు చిత్రం ప్రాజెక్ట్ – కె . ఇందులో న‌టిస్తున్న‌ది ఎవ‌రో కాదు పాన్ ఇండియా స్టార్ డార్లింగ్ ప్ర‌భాస్. ఇది భారీ బ‌డ్జెట్ తో వ‌స్తోంది. ఈ చిత్రానికి సంబంధించి రూ. 150 కోట్లు రెమ్యున‌రేష‌న్ తీసుకుంటున్న‌ట్లు ప్ర‌భాస్ పై టాక్.
ఇక ఈ చిత్రంలో కీల‌క పాత్ర‌ల్లో న‌టిస్తున్నారు బాలీవుడ్ కు చెందిన బిగ్ బి అమితాబ్ బ‌చ్చ‌న్ , ముద్దుగుమ్మ దీపికా ప‌దుకొనేతో పాటు త‌మిళ దిగ్గ‌జ న‌టుడు క‌మ‌ల్ హాస‌న్ . తాజాగా లోక నాయ‌కుడు షూటింగ్ లో జాయిన్ కావ‌డంతో ప్రాజెక్ట్ కె(Project K) పై భారీ అంచ‌నాలు నెల‌కొన్నాయి.
ఈ చిత్రానికి సంబంధించి ఇంకా షూటింగ్ పూర్తి కాలేదు. కానీ భారీ ఎత్తున వ‌సూలు చేసే ఛాన్స్ ఉంద‌ని ద‌ర్శ‌కుడు త‌మ్మారెడ్డి కామెంట్ చేశారు. ప్రాజెక్ట్ కె సినిమాకు సంగీత ద‌ర్శ‌కుడు మిక్కీ జే మేయ‌ర్ సంగీతం అందిస్తున్నారు. ఇదే మ్యూజిక్ డైరెక్ట‌ర్ మ‌హానటి చిత్రానికి కూడా అందించారు. ఇది సోషియో ఫాంట‌సీ సినిమాగా ఉండ‌నుంద‌ని స‌మాచారం.
క‌నీసం రూ. 1,000 కోట్ల‌కు పైగానే మార్కెట్ నెల‌కొంద‌ని అంచ‌నా. ఇప్ప‌టికే డార్లింగ్ ప్ర‌భాస్ , కృతీ స‌న‌న్ న‌టించిన ఆది పురుష్ మూవీ ఇటీవ‌లే విడుద‌లైంది. కానీ వివాదాలు దీనిని చుట్టుముట్టాయి.
Also Read : Aditi Sunil Tatkare : షిండే స‌ర్కార్ లో మ‌హిళ‌కు చోటు