Nitin Desai : ఆర్ట్ డైరెక్ట‌ర్ నితిన్ దేశాయ్ సూసైడ్
బాలీవుడ్ లో నెల‌కొన్న తీవ్ర విషాదం
Nitin Desai : బాలీవుడ్ చ‌ల‌న చిత్ర ప‌రిశ్ర‌మ‌లో విషాదం చోటు చేసుకుంది. ప్ర‌ముఖ ఆర్ట్ డైరెక్ట‌ర్ (క‌ళా ద‌ర్శ‌కుడు) నితిన్ దేశాయ్ బుధ‌వారం ఉద‌యం ఆత్మహత్య చేసుకున్నారు. అత్యంత పేరు పొందిన చ‌ల‌న చిత్రాల‌కు ఆయ‌న క‌ళా ద‌ర్శ‌క‌త్వం వ‌హించారు. త‌న స్వంత స్టూడియోలో ఉరి వేసుకున్నాడ‌ని సమాచారం.
Nitin Desai No More
క‌ర్ణాత్ లోని త‌న సొంత ఎన్డీ స్టూడియోలో ఆత్మ‌హ‌త్య‌కు పాల్ప‌డ్డాడు. పోలీసు వ‌ర్గాల సమాచారం మేర‌కు ఆయ‌న‌కు 58 ఏళ్లు. సమాచారం అందుకున్న పోలీసులు అక్కడకి వెళ్లి చూడగా ఆత్మహత్య చేసుకున్నాడని తెలిపారు.
నితిన్ దేశాయ్ అద్భుత‌మైన క‌ళా ద‌ర్శ‌కుడిగా గుర్తింపు పొందారు. సినిమాల‌కు సంబంధించి భారీ సెట్ లు వేయ‌డంలో ప్ర‌సిద్ది. నితిన్ దేశాయ్ స‌హ‌చ‌రులు త‌లుపులు ప‌గల‌గొట్టారు. చూస్తే ఉరి వేసుకుని క‌నిపించార‌ని పేర్కొన్నారు పోలీసులు. ఈ విష‌యాన్ని స్నేహితులే తెలిపార‌ని వెల్ల‌డించారు. కాగా నితిన్ దేశాయ్(Nitin Desai) మృతిపై అన్ని కోణాల్లో ద‌ర్యాప్తు చేస్తున్న‌ట్లు స్ప‌ష్టం చేశారు.
నితిన్ దేశాయ్ అనేక బాలీవుడ్, మ‌రాఠీ సినిమాల‌కు ఆర్ట్ డైరెక్ట‌ర్, ప్రొడ‌క్ష‌న్ డిజైన‌ర్ గా ప‌ని చేశారు. ల‌గాన్ , హ‌మ్ దిల్ దే చుకే స‌న‌మ్ , జోధా అక్బ‌ర్ , ప్రేమ్ ర‌త‌న్ పాయో వంటి క‌ళాత్మ‌క చిత్రాల‌కు ప‌ని చేశారు. ఆయ‌న మృతితో గొప్ప క‌ళా ద‌ర్శ‌కుడిని సినీ రంగం కోల్పోయింది.
Also Read : Mangampeta Villagers : వైన్ షాపుల కోసం గ్రామ‌స్థుల తీర్మానం