PM Modi Congrats : మీ విజ‌యం దేశానికి గ‌ర్వకార‌ణం
ప్ర‌ధాన మంత్రి న‌రేంద్ర మోదీ
PM Modi Congrats : ఒమ‌న్ వేదిక‌గా జ‌రిగిన హాకీ5 ఆసియా క‌ప్ ఛాంపియ‌న్ షిప్ ఫైన‌ల్ లో పాకిస్తాన్ జ‌ట్టును ఓడించి విజేత‌గా నిలిచిన భార‌త జ‌ట్టుకు అభినంద‌న‌లు తెలిపారు ప్ర‌ధాన మంత్రి న‌రేంద్ర మోదీ. ఆదివారం ట్విట్ట‌ర్ వేదిక‌గా స్పందించారు. అద్భుత‌మైన ప్ర‌తిభా పాట‌వాలు ప్ర‌ద‌ర్శించి దేశానికి గ‌ర్వ కార‌ణంగా నిలిచార‌ని ప్ర‌శంసించారు.
PM Modi Congrats to Hockey5s India Players
ఆటగాళ్ల అచంచ‌ల‌మైన అంకిత భావానికి నిద‌ర్శ‌నంగా నిలిచార‌ని పేర్కొన్నారు ప్ర‌ధాన‌మంత్రి(PM Modi). ఈ విజ‌యంతో వ‌చ్చే ఏడాది 2024లో జ‌రిగే వ‌ర‌ల్డ్ క‌ప్ హాకీ ఛాంపియ‌న్ షిప్ లో కూడా ఇదే రీతిన ప్ర‌తిభ క‌న‌బ‌రుస్తార‌ని, విజ‌యంతో విశ్వ విజేత‌లుగా నిలుస్తార‌న్న న‌మ్మ‌కం త‌న‌కు ఉంద‌ని ఆశా భావం వ్య‌క్తం చేశారు.
మ‌న ఆటగాళ్ల దృఢ సంక‌ల్పం భార‌త దేశానికి స్పూర్తి క‌లిగిస్తూనే ఉంటుంద‌ని కొనియాడారు న‌రేంద్ర దామోద‌ర దాస్ మోదీ. ఇదిలా ఉండ‌గా ఆసియా క‌ప్ ఫైన‌ల్ లో భార‌త, పాకిస్తాన్ జ‌ట్లు చెరో 4 గోల్స్ చేశాయి.
ఆట ముగిసే వర‌కు చెరీ స‌మానంగా నిలిచాయి. దీంతో అంపైర్లు షూటౌట్ నిర్ణ‌యించారు. భార‌త జ‌ట్టు ఆటగాళ్లు 2 గోల్స్ చేయ‌గా పాకిస్తాన్ ఆటగాళ్లు ఏ ఒక్క గోల్ చేయ‌లేదు. దీంతో భార‌త జ‌ట్టు ఆసియా క‌ప్ కైవ‌సం చేసుకుంది.
Also Read : Heavy Rains : ప‌లు చోట్ల భారీగా వ‌ర్షాలు