C Ashwini Dutt : అరెస్ట్ దారుణం కుట్ర నిజం

C Ashwini Dutt : హైద‌రాబాద్ – తెలుగు సినీ రంగానికి చెంద‌ని ప్ర‌ముఖ నిర్మాత సి. అశ్వ‌నీ ద‌త్ సంచ‌ల‌న వ్యాఖ్య‌లు చేశారు. ఏపీ స్కిల్ డెవ‌ల‌ప్మెంట్ కార్పొరేష‌న్ స్కీం స్కామ్ కేసులో టీడీపీ చీఫ్‌, మాజీ సీఎం నారా చంద్ర‌బాబు నాయుడును ఏపీ సీఐడీ అరెస్ట్ చేసింది. ఏపీ ఏసీబీ కోర్టు 14 రోజుల రిమాండ్ విధించింది.

C Ashwini Dutt Shocking Comments

దీనిపై తీవ్రంగా స్పందించారు సినీ నిర్మాత సి. అశ్వ‌నీ ద‌త్(C Ashwini Dutt). చంద్ర‌బాబు నాయుడు అరెస్ట్ అక్ర‌మ‌మ‌ని ఆరోపించారు. దేశానికి గొప్ప ప్ర‌ధాన‌మంత్రిని, స్పీక‌ర్ ను, రాష్ట్ర‌ప‌తిని అందించిన ఘ‌న‌త నారా చంద్ర‌బాబు నాయుడుకు ద‌క్కుతుంద‌ని పేర్కొన్నారు.

అలాంటి నాయ‌కుడిని దుర్మార్గ పూరితంగా అరెస్ట్ చేశార‌ని సి. అశ్వ‌నీ ద‌త్ ఆరోపించారు. మ‌రికొన్ని నెల‌ల్లో జ‌రిగే శాస‌న స‌భ ఎన్నిక‌ల్లో టీడీపీ క‌చ్చితంగా 160 సీట్లు గెలుస్తుంద‌ని జోష్యం చెప్పారు. చంద్ర‌బాబు నాయుడు అరెస్ట్ కు కుట్ర ప‌న్నిన వారికి పుట్ట‌గ‌తులు ఉండ‌వ‌ని హెచ్చ‌రించారు సినీ నిర్మాత‌.

వారికి శిక్ష ప‌డ‌టం ఖాయ‌మ‌ని అన్నారు. ఇలాంటి చ‌వ‌క‌బారు చ‌ర్య‌ల వ‌ల్ల ఏపీ సీఎం జ‌గ‌న్ మోహ‌న్ రెడ్డికి ప్ర‌తికూల‌త త‌ప్ప ఇంకేమీ ఒరిగేందుకు ఉండ‌ద‌న్నారు సి. అశ్వ‌నీద‌త్. మ‌రో వైపు బాబు అరెస్ట్ ను నిర‌సిస్తూ హైద‌రాబాద్ లో ఐటీ ఉద్యోగులు ఆందోళ‌న చేప‌ట్టారు.

Also Read : Tummala Nageshwara Rao : కాంగ్రెస్ లో తుమ్మ‌ల చేరిక వాయిదా