Mohammed Shami : ష‌మీ దెబ్బ కీవీస్ అబ్బా

Mohammed Shami : ముంబై వేదిక‌గా జ‌రిగిన సెమీస్ పోరులో నిప్పులు చెరిగే బంతుల‌తో రెచ్చి పోయాడు మ‌హ‌మ్మ‌ద్ ష‌మీ(Mohammed Shami). త‌న‌లో ఇంకా సత్తా మిగిలి ఉందంటూ నిరూపించాడు. ఒక‌టా రెండా ఏకంగా ఏడు వికెట్లు తీశాడు. ప్ర‌త్య‌ర్థి న్యూజిలాండ్ జ‌ట్టుకు చుక్క‌లు చూపించాడు.

Mohammed Shami Innings Viral

ఐసీసీ వ‌న్డే వ‌రల్డ్ క‌ప్ 2023లో అత్య‌ధిక వికెట్లు తీసిన బౌల‌ర్ గా చ‌రిత్ర సృష్టించాడు. ఈ టోర్నీలో వ‌రుస‌గా మూడుసార్లు 5 వికెట్లు తీశాడు ష‌మీ. కేవ‌లం 57 ప‌రుగులు మాత్ర‌మే ఇచ్చాడు. ఒకానొక ద‌శ‌లో మ్యాచ్ పోతుందేమోన‌న్న ఆందోళ‌న నెల‌కొన్న త‌రుణంలో అరివీర ఇన్నింగ్స్ తో వికెట్ల మ‌ధ్య పాతుకు పోయిన న్యూజిలాండ్ సూప‌ర్ స్టార్ ప్లేయ‌ర్ మిచెల్ శివ తాండ‌వం చేశాడు.

భార‌త బౌల‌ర్ల‌కు చుక్క‌లు చూపించాడు. పిచ్చి ప‌ట్టిన‌ట్లు ఫోర్లు, సిక్స‌ర్ల‌తో విరుచుకు ప‌డ్డాడు. జ‌ట్టు కెప్టెన్ రోహిత్ శ‌ర్మ సెకండ్ స్పెల్ లో ష‌మీని తీసుకు వ‌చ్చాడు. అద్భుత‌మైన బంతికి మిచెల్ ను బోల్తా కొట్టించాడు. దీంతో అసాధార‌ణ‌మైన ఇన్నింగ్స్ కు తెర ప‌డింది. మొత్తంగా ష‌మీ ప్ర‌ద‌ర్శించిన బౌలింగ్ ను చూసిన ల‌క్ష‌లాది మంది క్రికెట్ ఫ్యాన్స్ తెగ సంతోషానికి లోన‌య్యారు.

ఇక భార‌త జ‌ట్టు విశ్వ విజేత‌గా అయ్యేందుకు అడుగు దూరంలో ఉంది.

Also Read : Daryl Mitchell : మిచెల్ పోరాటం అద్భుతం