Glenn Maxwell : అబ్బా మ్యాక్స్ వెల్ దెబ్బ

Glenn Maxwell : మ‌రోసారి త‌నంటే ఏమిటో చూపించాడు ఆసిస్ స్టార్ క్రికెట‌ర్ గ్లెన్ మ్యాక్స్ వెల్(Glenn Maxwell). భార‌త్ తో జ‌రిగిన 3వ టీ20 మ్యాచ్ లో విశ్వ రూపం చూపించాడు. క‌ళ్లు చెదిరే షాట్స్ తో అల‌రించాడు. భారీ టార్గెట్ ను ఛేదించ‌డంలో కీల‌క భూమిక పోషించాడు. అత్యంత ఫాస్టెస్ట్ సెంచ‌రీ సాధించాడు.

Glenn Maxwell Game Viral

ఇది త‌న కెరీర్ లో అరుదైన రికార్డ్ . గ్లెన్ కేవ‌లం 48 బంతులు మాత్ర‌మే ఎదుర్కొన్నాడు. ఇందులో 8 ఫోర్లు 8 సిక్స‌ర్లు ఉన్నాయి. 104 ర‌న్స్ చేసి చివ‌రి దాకా ఉన్నాడు. తానే ద‌గ్గ‌రుండి ఆసిస్ ను గెలుపు తీరాల‌కు చేర్చాడు. అత‌డికి తోడుగా ట్రావిస్ హెడ్ నిలిచాడు. 18 బాల్స్ ఎదుర్కొని 8 ఫోర్ల‌తో 35 ర‌న్స్ చేశాడు.

ఆఖ‌రులో వ‌చ్చిన స్కిప్ప‌ర్ మాథ్యూ వేడ్ 3 ఫోర్లు 1 సిక్స్ తో 28 ప‌రుగుల‌తో నాటౌట్ గా నిలిచాడు. అర్ష్ దీప్ సింగ్ , ప్ర‌సిద్ద్ కృష్న‌, అక్ష‌ర్ ప‌టేల్ భారీగా ర‌న్స్ స‌మ‌ర్పించుకున్నారు. 5 మ్యాచ్ ల సీరీస్ లో 2-1 తేడాతో భార‌త్ ముందంజ‌లో ఉంది.

గువ‌హ‌తి వేదిక‌గా జ‌రిగిన ఈ మ్యాచ్ అత్యంత ఉత్కంఠ భ‌రితంగా సాగింది. ఈ మ్యాచ్ లో ప‌లు రికార్డులు న‌మోదు కావ‌డం విశేషం. తొలిసారిగా యంగ్ క్రికెట‌ర్ రుతురాజ్ గైక్వాడ్ సెంచ‌రీ చేశాడు. మొత్తంగా మ్యాక్స్ విధ్వంసం ముందు రుతురాజ్ గైక్వాడ్ సెంచ‌రీ తేలి పోయింది. ఏది ఏమైనా ఈ మ్యాచ్ విన్నింగ్ ను తెగ ఎంజాయ్ చేశారు క్రికెట్ ఫ్యాన్స్.

Also Read : Telangana Govt : పోలింగ్ రోజు సెల‌వు