DK Shiva Kumar : సీఎల్పీ నేత ఎంపిక ఏఐసీసీదే

DK Shiva Kumar : హైద‌రాబాద్ – ఎవ‌రు సీఎం అవుతార‌నే దానిపై ఉత్కంఠ ఇంకా కొన‌సాగుతోంది. సీఎల్పీ నేత ఎంపిక‌కు సంబంధించి ప్ర‌త్యేకంగా స‌మావేశం అయ్యారు. మీటింగ్ అనంత‌రం పార్టీ ప‌రిశీల‌కుడు , క‌ర్ణాట‌క డిప్యూటీ సీఎం డీకే శివ‌కుమార్(DK Shiva Kumar) మీడియాతో మాట్లాడారు. ఈ సంద‌ర్బంగా కాంగ్రెస్ కు అధికారం అప్ప‌గించిన తెలంగాణ రాష్ట్ర ప్ర‌జ‌లంద‌రికీ ధ‌న్య‌వాదాలు తెలియ చేసుకుంటున్న‌ట్లు చెప్పారు.

DK Shiva Kumar Comment

ఇదే స‌మ‌యంలో విస్తృతంగా ప్ర‌చారం చేయ‌డంలో కీల‌క పాత్ర పోషించిన ఏఐసీసీ చీఫ్ మ‌ల్లికార్జున్ ఖ‌ర్గే, మాజీ చీఫ్ రాహుల్ గాంధీ, జాతీయ ప్ర‌ధాన కార్య‌ద‌ర్శి ప్రియాంక గాంధీకి థ్యాంక్స్ తెలిపారు. ఇదిలా ఉండ‌గా సీఎల్పీ నేత‌ను ఎంపిక చేసేందుకు గాను ముందుగా టీపీసీసీ చీఫ్ రేవంత్ రెడ్డి ప్ర‌తిపాద‌న చేశార‌ని చెప్పారు డీకే శివ‌కుమార్.

ప‌రిశీల‌కులు కూడా ఈ మీటింగ్ కు హాజ‌ర‌య్యారు. ముఖ్య నేత‌లు వేర్వేరుగా భేటీ అయ్యారు. గెలుపొందిన వారిని అభినందించారు. ఎవ‌రిని ఎంపిక చేయాల‌నే దానిపై ఎమ్మెల్యేల‌తో అభిప్రాయాల‌ను తెలుసుకున్నారు.

సీఎల్పీ నేత ఎంపిక బాధ్య‌త ఏఐసీసీ చీఫ్ మ‌ల్లికార్జున్ ఖ‌ర్గేకు అప్ప‌గించిన‌ట్లు స్ప‌ష్టం చేశారు. చివ‌ర‌కు ఖ‌ర్గే ఏం చెబితే వారినే సీఎంగా ఎంపిక చేస్తార‌ని తెలిపారు. ఇవాళ సాయంత్రం ప్ర‌మాణ స్వీకారం ఉంటుంద‌న్నారు.

Also Read : BRS Ministers Loss : ఓట‌ర్ల దెబ్బ మంత్రులు అబ్బా