Begger Died: యాచకుడ్ని కాలితో తన్నిన అధికారి ! టిప్పర్ క్రింద పడి మృతి !
యాచకుడ్ని కాలితో తన్నిన అధికారి ! టిప్పర్ క్రింద పడి మృతి !
Begger Died: నిజామాబాద్‌ జిల్లా ఆర్మూర్ పట్టణంలో దారుణం జరిగింది. ట్రాఫిక్ సిగ్నల్ వద్ద డబ్బులు అడిగిన యాచకుడ్ని… ఓ ప్రభుత్వ అధికారి కాలితో తన్నాడు. అదే సమయంలో అటుగా వస్తున్న టిప్పర్ క్రింద పడటంతో ఆ యాచకుడు అక్కడికక్కడే మృతి చెందాడు. గురువారం ఈ ఘటన జరిగినప్పటికీ…. సీసీటీవీ ఫుటేజ్ బయటకు రావడంతో శుక్రవారం రాత్రి వెలుగులోనికి వచ్చింది. ఇక పూర్తి వివరాల్లోకి వెళితే…
Begger Died Viral
మెండోర డిప్యూటీ తహసీల్దార్ రాజశేఖర్ కారులో ఆర్మూర్(Armoor) వెళ్తున్న క్రమంలో మామిడిపల్లి చౌరస్తాలో సిగ్నల్ పడటంతో వాహనాన్ని నిలిపారు. అదే సమయంలో ఆర్మూర్ లోని టీచర్స్‌ కాలనీకి చెందిన శివరాం(32) కారు అద్దాలను తుడిచి డబ్బులు ఇవ్వాలని కోరాడు. దీనికి రాజశేఖర్ లేవని బదులిచ్చారు. ఇంతలోనే గ్రీన్‌ సిగ్నల్ పడటంతో వాహనాన్ని రాజశేఖర్ తన వాహానాన్ని ముందుకు కదిలించడంతో… డబ్బుల కోసం శివరాం కారును వెంబడించాడు. దీనితో కోపంతో ఊగిపోయిన తహసీల్దార్ రాజశేఖర్ కారు దిగి… యాచకుడిని కాలుతో తన్నాడు. అదే సమయంలో ఆ పక్క నుంచి వెళ్తున్న టిప్పర్ వెనుక టైరు కింద శివరాం పడిపోవడంతో అక్కడికక్కడే మృతి చెందాడు. సీసీటీవి ఫుటేజ్ ఆధారంగా ఈ ఘటనకు రాజశేఖర్ ను బాధ్యుడిగా పోలీసులు గుర్తించారు. ఈ మేరకు అతనిపై కేసు నమోదు చేసి దర్యాప్తు ప్రారంభించారు. శివరాం మరణ వార్త తెలుసుకున్న కుటుంబ సభ్యులు ఆర్మూర్ పోలీసుస్టేషన్ కు వచ్చి న్యాయం చేయాలని ఆందోళన చేశారు.
Also Read : Bharat Jodo Nyay Yatra: రాహుల్ “భారత్ జోడో న్యాయ్ యాత్ర” లో ప్రియాంకగాంధీ !