AP Cabinet Agree : సర్వే రాళ్లపై ఉన్న మాజీ సీఎం ఫోటోను తీయడానికి కేబినెట్ గ్రీన్ సిగ్నల్

AP Cabinet : ఆంధ్రప్రదేశ్‌లో భూముల సర్వే రాళ్లపై మాజీ ముఖ్యమంత్రి వైఎస్ జగన్ మోహన్ రెడ్డి బొమ్మ, పేరు తొలగించేందుకు క్యాబినెట్ ఆమోదం తెలిపింది. జగన్ బొమ్మలతో ఉన్న పాస్ పుస్తకాలు సైతం వెనక్కి తీసుకోవాలని క్యాబినెట్ సమావేశంలో తీర్మానించారు. ఈ మేరకు ముఖ్యమంత్రి చంద్రబాబు అధ్యక్షతన జరుగుతున్న సమావేశంలో పలు కీలక అంశాలపై చర్చిస్తున్నారు. ఏపీ క్యాబినెట్(AP Cabinet) సమావేశంలో గత ప్రభుత్వంలో అప్పటి సీఎం జగన్ బొమ్మ, పేరు ఉన్న సర్వే రాళ్ల అంశం చర్చకు వచ్చింది. సర్వే రాళ్లపై మాజీ ముఖ్యమంత్రి బొమ్మ, పేరు తొలగించాలని పలువురు మంత్రులు సీఎం దృష్టికి తీసుకెళ్లారు. బొమ్మల పిచ్చితో జగన్ రూ.700కోట్లు ఖర్చు చేశారని మంత్రులు చంద్రబాబుకు తెలిపారు. దీంతో జగన్ బొమ్మ, పేరు తొలగించడానికి క్యాబినెట్ ఓకే చెప్పింది.

AP Cabinet Agree..

అలాగే రాజముద్ర ఉన్న కొత్త పట్టాదారు పాస్ పుస్తకాలు పంపిణీ చేయాలని సమావేశంలో నిర్ణయించారు. మాజీ సీఎం బొమ్మలతో ఉన్న పాస్ పుస్తకాలను వెనక్కు తీసుకోవాలని తీర్మానించారు. భూముల రీ-సర్వేపై కెబినెట్‌లో రెవెన్యూ శాఖ నోట్ సమర్పించింది. రీ-సర్వే వల్ల తలెత్తిన వివాదాలపై కూడా చర్చ జరిగింది. వైసీపీ ప్రభుత్వ విధానాల వల్ల భూ యజమానుల్లో ఆందోళన నెలకొందని మంత్రులు చెప్పారు. రీ-సర్వే ప్రక్రియను అబయెన్సులో పెట్టాలని క్యాబినెట్ నిర్ణయించింది.

Also Read : Olympics 2024 : వినీష్ ఫోగట్ పై అనర్హత వేటు వేయడంపై స్పందించిన ప్రధాని